टुँडिखेलमा घाइते भएका १६ जना मध्ये १० जना डिस्चार्ज

नमस्ते चितवन

मङ्गलबार, माघ ०२, २०८० मा प्रकाशित

टुँडिखेलमा थारु र मगर समुदायले आयोजना गरेको माघी महोत्सवमा धकेलाधकेल हुँदा १६ जना घाइते भएका छन् । घाइतेहरुमध्ये १० जना डिस्चार्ज भएर घर फर्किएका छन् । वीर अस्पताल स्थित ट्रमा सेन्टरबाट डिस्चार्ज भएर १० जना घर फर्किएको जिल्ला प्रहरी परिसर काठमाडौँका एसपी कुमोध ढुंगेलले बताएका छन् । ६ जनाको उपचार हुँदै छ । माघी महोत्सवमा टुँडिखेलभित्र पस्ने र निस्कने क्रममा उनीहरू घाइते भएका थिए ।

टुँडीखेलमा थारु समुदायले थारु राष्ट्रिय माघी महोत्सव र मगर समुदायले प्रमुख राष्ट्रिय सांस्कृतिक पर्व माघे संक्रान्ति आयोजना गरेका थिए ।

उपचाररत घाइतेहरुमा धादिङ घर भएकी १९ वर्षीया रेजिना घले, कैलाली घर भएकी १९ वर्षीया रेस्मी मगर, संखुवासभा घर भएकी २२ वर्षीया निर्मला श्रेष्ठ, ललितपुर घर भएकी २७ वर्षीया रश्मी नेपाल, दोलखा घर भएकी ११ वर्षीया युनिका बराल र उदयरकी १४ वर्षीया करिश्मा मगर रेका छन्।

अरु १० जना ट्रमा सेन्टरबाट डिस्चार्ज भएका छन् । डिस्चार्ज हुनेहरुमा खोटाङ घर भएकी १२ वर्षीया त्रिसना मगर, सिन्धुपाल्चोक घर भएकी अन्जना तामाङ, धनकुटा घर भएकी १६ वर्षीया निकिता मगर, बर्दिया घर भएकी ३० वर्षीया रेखा चौधरी, प्युठान घर भएकी अनिसा केसी, कैलाली घर भएकी २५ वर्षीया कल्पना चौधरी र सुनसरी घर भएकी २२ वर्षीया मन्दिरा बस्नेत रहेका, ललितपुर घर भएकी ४० वर्षीया मिना थापा, रोल्पा घरका प्रहरी जवान पृथ्वी बुढा मगर र पाल्पा घर भएकी २५ वर्षीया निशा राना थापा रहेका छन् ।