यस पटकको वर्षा थोरै भए पनि गहुँ, मसुरो खेतीलाई राम्रो भएको छ । पाकेको र टिपेर थुपारेको तोरीखेतीलाई भने नोक्सान पुगेको छ । टीकापुर –१ का किसान छपिलाल चौधरीले टिपेर थुपारेको तोरी भिजेकाले तत्काल सुक्नेगरी घाम नलागे बिग्रने बताउनुभयो ।

यस वर्षको हिउँदे वर्षा धेरै ढिलो भयो १५ दिन अघिमात्र परेको भए पनि सबै बालीलाई फाइदा गथ्र्यो, कृषि ज्ञान केन्द्र कैलालीका कृषि प्रसार अधिकृत रामनारायण चौधरीले भन्नुभयो, “पानी जम्ने ठाउँको तोरी र तयार भएको आलुलाई केही असर गरे होला अन्यथा वर्षाले राम्रो भएको छ ।”

कैलालीमा ३४ हजार हेक्टरमा गहुँ, १३ हजार हेक्टरमा तोरी र आठ हजार हेक्टरमा मसुरो खेती हुँदैआएको कृषि ज्ञान केन्द्र कैलालीको तथ्याङ्क छ ।