महिला नेतृत्वको प्रशंसा गर्दै चितवनमा प्रचण्डले भने- केही वर्ष महिला राज हेरिहेरौं न

नमस्ते चितवन

बुधबार, चैत २३, २०७८ मा प्रकाशित

२३ चैत्र , चितवन – नेकपा माओवादी केन्द्रका अध्यक्ष पुष्पकमल दाहाल प्रचण्डले महिलालाई धेरै ठाउँको पालिका प्रमुख महिला बनाउने विचारमा रहेको बताएका छन् । बुधबार चितवनमा सुकुम्बासीलाई लालपूर्जा वितरण गर्दै उनले महिलालाई जिम्मेवारी दिएमा बेइमानी, जालझेल र षड्यन्त्र कम हुने भन्दै यस्तो बताएका हुन् । तुनात्मक रुपमा के देखिएको छ भने –महिलाले अग्रसरता लिएको ठाउँमा सफलता, इमान्दारीता, शुशासन बढि देखिएको छ प्रचण्डले भने – त्यसकारण म के चाहान्छु भने महिलालाई धेरै ठाउँमा पालिका प्रमुख र मेयर बनाउने विचार छ । पुरुष खराब हुन्छ भन्ने चै हैन्न् महिलालाई धेरै अधिकार दिएर हेरौँ भन्ने इच्छा छ । केही विग्रदैन कयौँ वर्ष देखि पुरुषले राज गरेर आएका छौँ केही वर्ष महिला राज हेरौँ न त ! प्रचण्डले भने ।

महिला हरुले चाहे भने धेरै गर्न सक्छन् भन्ने अहिले नेपाल सरकारको मन्त्रिमा हुनुभएको भूमि व्यवस्था, सहकारी तथा गरिबी निवारण मन्त्री शशि श्रेष्ठ र ऊर्जा, जलस्रोत तथा सिँचाइमन्त्री पम्फा भुसालले बाट देखिएको भन्दै उनले प्रशंसा समेत गरे ।

भरतपुर महानगरपालिकामा पनि मेयर र उप मेयर महिला भएको भन्दै प्रचण्डले सामुहीक विवेकको प्रयोग गरेर विकासको लहर सृष्टि भएको बताए । उनले फरक प्रसंगमा पहिलो स्थानिय तहको चुनावमा भरतपुर महानगरपालिका प्रमुखको रुपमा रेनु दाहाल आउँदा सबैले प्रचण्डको छोरी आयो भन्ने गरेपनि अघि आफु रेनुको बुबा भनेर चिनिने गरेको बताए । ‘रेनुको आफ्नै त्याग तपस्या थियो । रोल्पा, रुकुम देखि भुमिगत रुपमा जनयुद्धकालमा काम गरेको आफ्नै अनुभव थियो । तर २०७४ को चुनावमा आउँदा उनको परिचय प्रचण्डको छोरी भन्ने थियो । तर मलाई खुशी छ अहिले आउँदा अब प्रचण्डको छोरी हैन, रेनुको बुबा प्रचण्ड भएको छ ।’