उदयपुरको चौदण्डीगढी नगरपालिकाले शैक्षिक मापदण्ड नपुगेका, कमजोर गुणस्तर र विद्यार्थी सङ्ख्या पर्याप्त नभएका विद्यालयलाई समायोजनमा लैजाने भएको छ । शुक्रबार नगर शिक्षा समितिको बैठक पश्चात छोटो प्रतिकृया दिदै नगर प्रमुख कालुमान लामाले विद्यार्थी सङ्ख्या कम भएको विद्यालयको समायोजन गर्ने बताउनु भयो । वहाँले चौदण्डीगढी नगरपालिका नगर भित्रको शिक्षामा आमूल परिवर्तन गर्न लागि परेको भन्दै कुनै पनि बहानामा मापदण्ड नपुगेका, कमजोर गुणस्तर र विद्यार्थी सङ्ख्या कम भएका विधालयको समायोजनको प्रक्रिया नरोकिने दावी गर्नुभयो ।
शिक्षा समितिको बैठकले नगर भित्रका सामुदायिक विद्यालयहरुमा भएको बिषयगत दरबन्दी अभावको समस्या समाधान गरि शैक्षिक गुणस्तर अभिवृद्दिका निमित्त आगामी शैक्षिक सत्रदेखि नगर भित्र अभिभावक सहयोग कार्यविधि निर्माण गरी “अभिभावक सहयोग“ कार्यक्रम सञ्चालन गर्ने निर्णय गरेको छ ।
नगर शिक्षा समितिको बैठकले नगरभित्रका सम्पूर्ण सामुदायिक विद्यालयका शिक्षकहरुले जिल्ला भित्र वा बाहिर तालिम, सेमिनार तथा गोष्ठी जस्ता कार्यक्रममा सहभागिता जनाउन जाँदा चौदण्डीगढी नगरपालिका शिक्षा युवा तथा खेलकुद शाखाबाट अनिवार्य रुपमा लिखित अनुमति लिनु पर्ने समेत निर्णय गरेको नगर शिक्षा शाखाका शिक्षा सुपरिवेक्षक पुष्पा तामाङले जानकारी दिनु भयो ।
नगरपालिका भित्रका निजि विद्यालयहरुले कुल विद्यार्थी संख्याको कम्तिमा १० प्रतिशतमा नघटाई जेहेन्दार, बिपन्न, असहाय तथा गरिब,अपाङ्ग, दलित, जनजाति, द्वन्द पिडित र सहिद परिवारका विद्यार्थीलाई समावेशिताको आधारमा छात्रवृति प्रदान गर्नु पर्ने समेत निर्णय गरेको छ । उक्त छात्रवृतिको ब्यबस्थापन तथा वितरण चौदण्डीगढी नगरपालिका नगर शिक्षा शाखाको मार्फत गर्ने समेत निर्णय भएको नगर शिक्षा शाखाले जनाएको छ ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.