प्रचण्डद्वारा ‘प्रज्ञा स्मृति भरतपुर साइक्लिङ म्याराथन

२६ चैत्र, भरतपुर । नेकपा (माओवादी केन्द्र) का अध्यक्ष एवम् पूर्व प्रधानमन्त्रि अध्यक्ष पुष्पकमल दाहाल (प्रचण्ड) ले शनिबार बिहान एक कार्यक्रमको बिच ‘प्रज्ञा स्मृति भरतपुर साइक्लिङ म्याराथन – २०७८’प्रतियोगिताको उद्धघाटन गर्नु भएको छ ।प्रतियोगितामा नेपाली तथा विदेश गरेर ९४ जनाको सहभागिता रहेको छ।

भरतपुर महानगरपालिकालाई साइकल सिटिको रुपमा विकास गर्ने उदेश्यले साइक्लिङ म्याराथन सुरु भएको छ । प्रज्ञा स्मृति प्रतिष्ठान र बागमति प्रदेश खेलकुद विकास परिषद्को साझेदारीमा ‘प्रज्ञा स्मृति भरतपुर साइक्लिङ म्याराथन – २०७८’ भोलि २६ चैत्रमा संचालनभएको हो ।चितवनको भरतपुरमा आयोजित प्रतियोगिता उद्घाटन गर्दै प्रचण्डले पर्यावरण र स्वास्थ्यको दृष्टिकोणले साइक्लिङको फाइदाबारे प्रकाश पारेका थिए । कार्यक्रममा खेलकुदमन्त्री महेश्वर गहतराज तथा भरतपुर महानगरपालिकाकी मेयर रेनु दाहालकोसमेत उपस्थिति रहेको थियो ।

नारायणी किनारबाट सुरु हुने म्याराथन भरतपुर महानगरपालिकाको विभिन्न भित्रि सडक हुँदै पुनः नारायणी किनार पुगेर समापन हुदैछ । जसको दूरी ६५ किलोमिटर रहेको र प्रतियोगिले २ घण्टामा उक्त दुरी पुरा गर्ने प्रतियोगिताका संयोजक सन्त कुमार दरैले बताए ।

प्रज्ञा स्मृति प्रतिष्ठान नेकपा (माओवादी केन्द्र)का अध्यक्ष पुष्पकमल दाहाल (प्रचण्ड) का छोरी ज्ञानु दाहाल र प्रकाश दाहालको स्मृतिमा स्थापना गरिएको संस्था हो । ज्ञानु दाहालको क्यान्सरको कारण २०७० सालमा मृत्यु भएको थियो । भने प्रकाश दाहालको २०७४ सालमा अल्पायुमा निधन भएको थियो । कमजोर वर्ग, असहाय व्यक्ति र पिछडिएको समुदायलाई सक्षम बनाउन र तिनिहरुको प्रतिष्ठा बढाउने गरी खेलकुद, स्वास्थ्य र शिक्षमाकाम गर्ने उद्धेश्यले संस्था स्थापना गरिएको हो ।

म्याराथनमा पाँच विधामा प्रतिस्पर्धा हुनेछ । इलिट मेन १९ प्लस , इलिट वमेन १९ प्लस, मास्टर मेन ३० प्लस, ग्रयाण्ड मास्टर मेन ग्रन्ड ५० प्लस र चितवन विशेष अन्तर्गत चितवन जिल्लाका मात्र महिला÷पुरुषको सहभागिता रहेको छ । प्रतियोगिताका विजेता खेलाडीले मेडल र प्रमाणपत्र सहित नगद पुरस्कार पाउने छन् । जस अन्तर्गत इलाइट महिला पुरुष दुवै तर्फमा प्रथम हुनेले ४५ हजार, दोस्रो हुनेले ३५ हजार, तेस्रोलाई ३० हजार, चौथोलाई २५ हजार, पाचौं हुनेलाई २० हजार, छैठौंले १५ हजार, सातौँले १० हजार, आठौँले ८ हजार, नवौंले ७ हजार र दशौँ हुनेले ५ हजार प्राप्त गर्ने छन् ।

यस्तै पुरुष मास्टरतर्फ ३० वर्ष भन्दा माथिका ब्यक्तिले सहभागिता जनाएका छन् । जसको पुरस्कार राशि प्रथम हुनेले २५ हजार, दोस्रो हुनेले २० हजार र तेस्रोलाई १५ हजार छ । मास्टर मेन ग्रन्ड ५० प्लस तर्फ प्रथम हुनेले २० हजार, दोस्रो हुनेले १५ हजार र तेस्रोलाई १० हजार नगद पुरस्कार प्रदान गरिने छ। चितवन विशेस अन्तर्गत महिला र पुरुष दुवैतर्फ प्रथम हुनेले २० हजार, दोस्रो हुनेले १५ हजार र तेस्रोलाई १० हजार प्रदान गरिने छ ।