फिल्म ‘द्रौपदी’को नयाँ पोष्टर सार्वजनिक

नमस्ते चितवन

बिहिबार, पुष ०४, २०८१ मा प्रकाशित

काठमाडौं , पौष ४
आगामी चैत्र ८ गतेबाट सार्वजनिक प्रदर्शनमा आउने फिल्म हो ‘द्रौपदी’ । फिल्म नेपालसहित अमेरिका र अस्ट्रेलियामा पनि एकसाथ प्रदर्शनमा आउने भएको छ । निर्देशक ऋषिराज आचार्यले फिल्म नेपालसहित विश्वका विभिन्न मुलुकमा एकसाथ ल्याउने जानकारी दिए ।

आरबि मुभिजको ब्यानरमा निर्माण भएको फिल्मको नयाँ पोष्टर सार्वजनिक भएको छ । फिल्मका लेखक समेत रहेका निर्देशक आचार्यले कलाकारलाई समेटेर फिल्मका दुई नयाँ पोस्टर बुधबार ल्याएका हुन् ।

फिल्ममा रवि ओड, आश्विनी शाही, सुजाता तिमल्सिना, कविराज भाम, प्रकाश ज्ञवाली, सीता बौडेल, विष्णु ठडराई, सुरज अधिकारी र आचार्यले अभिनय छ । ओडकै संगीत रहेको फिल्मका निर्माता आचार्यसहित प्रकाश ज्ञवाली हुन् । सौरभ शर्माको पाश्र्वसंगीत छ । अनिल महर्जनको सम्पादन रहेको फिल्ममा मोहन झिल्लुको छायांकन छ ।फिल्मलाई डोल्पाको प्रसिद्ध पर्यटकीय थलो शे–फोक्सुण्डो लगायतका थलोमा खिचिएको छ ।