तुलसी घिमिरेको निर्माण र निर्देशन रहेको फिल्म ‘पहाड’बाट घिमिरेकै कान्छी छोरी पञ्चमीले अभिनयमा डेब्यु गर्ने पक्का भएको छ ।
बुधबार बेलुका मात्र पञ्चमीलाई फिल्म खेलाउने टुंगो लागेको हो । पञ्चमीले अभिनेता अरुण क्षेत्रीसँग जोडी बाँध्नेछिन् । उनले मुम्बईमा विज्ञापन फिल्महरूमा क्रिएटिभ डिरेक्टरको रुपमा कार्य गर्दै आइरहेकी छन् ।
कलाकारको कास्टिङमा केही हेरफेर भएको छ । यसअघि फिल्ममा वर्षा राउत हुने भनिएपनि यो फिल्ममा उनी हुनेछैनन् । उनको ठाउँमा अर्की एक अभिनेत्रीलाई कास्टिङ तयारी छ ।
पञ्चमीको डेब्युबारे उनका बुवा निर्देशक तुलसी घिमिरेले भने, ‘बुधबार मात्र यसबारे टुंगो लागेको बताउनु भयो । यसअघि पञ्चमी र अर्की एक कलाकारमध्ये कुनलाई लिने भन्ने अन्योल थियो ।
ग्रामीण परिवेशमा छायांकन हुने यो फिल्मका कलाकारमा अरुण र पञ्चमीसहित मदनकृष्ण श्रेष्ठ, विपिन कार्की, सुनिल थापाले साइन गरिसकेका छन् । ६ माघदेखि गोरखाबाट छायांकन तयारी छ । त्ससपछि काठमाडौं र मुम्बईमा सुटिङ हुनेछ ।
प्रोडक्सन डिजाइनरको रुपमा तुलसीकै जेठी छोरी भावनाले काम गर्दैछिन् । ‘दुबै छोरीले मलाई काममा सघाउँदैछन्’ । यो फिल्मले युवा जनशक्ति विदेश पलायन हुँदा कसरी पहाड रित्तिन्छ र यसले ल्याउने सामाजिक र आर्थिक समस्याको कथावस्तु चित्रण गर्नेछ, घिमिरेले भन्नु भयो फिल्मलाई ब्यांकटेस इन्टरटेनमेन्टले वितरण गर्नेछ ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.