दुर्घटनाका बेला बेहुला र बेहुली भने छुट्टाछुट्टै गाडीमा सवार थिए। दुर्घटनापछि फरार रहेका कञ्चनपुरको भीमदत्त नगरपालिका–७ हल्दुखाल का ४२ वर्षीय बस चालक वीरेन्द्र बुढा लाई प्रहरीले मध्यरात नियन्त्रणमा लिएको छ। दुर्घटनाको कारण भने हालसम्म खुल्न सकेको छैन।

बैतडीका प्रहरी प्रमुख डिएसपी दीपककुमार राय का अनुसार मृतक सबैको सनाखत भइसकेको छ भने ३४ जना घाइतेको उपचार भइरहेको छ। बसमा सवार १८ महिला र २७ पुरुष गरी ४५ जनाको उद्धार गरिएको थियो। गम्भीर घाइते केहीलाई थप उपचारका लागि डडेलधुरा उपक्षेत्रीय अस्पताल रिफर गरिएको जिल्ला प्रहरी प्रवक्ता प्रहरी निरीक्षक बलदेब बडू ले जानकारी दिए।

दुर्घटना बिहीबार बेलुका साढे ७ बजे, पुर्चौडी नगरपालिका–७ भौनी बाट बेहुली लिएर घर फर्किने क्रममा सोही वडाको बढगाउँ मोड बाट सु.प्र ०२–००१ ख १११९ नम्बरको बस झण्डै १०० मिटर तल खस्दा भएको हो। बस पुर्चौडीबाट बझाङको सुनकुडातर्फ गइरहेको थियो।दुर्घटनाबारे थप अनुसन्धान भइरहेको प्रहरीले जनाएको छ।