रामबाबु गुरुङको लेखन तथा निर्देशनमा बनेको सिनेमा ‘कबड्डी ५’ ले घरेलु बक्स अफिसमा ७ करोड रुपैयाँभन्दा बढीको व्यापार गरेको छ। आइतबारसम्म ५ करोड रुपैयाँभन्दा बढी कमाइ गरेको सिनेमाले मंगलबारसम्म आइपुग्दा ७ करोडको आँकडा पार गरेको हो।
सिनेमाका निर्माता मणिराम पोखरेलले मंगलबारसम्ममा ‘कबड्डी ५’ ले देशभरबाट ७ करोड रुपैयाँभन्दा बढीको व्यापार गरेको जानकारी दिएका छन्।
प्रदर्शनको सुरुवातदेखि नै आक्रामक व्यापार गरिरहेको सिनेमाले दर्शक तथा समीक्षकबाट सकारात्मक प्रतिक्रिया पाइरहेको छ। सिनेमा हेर्न हलमा दर्शकको उल्लेख्य भीड देखिएको छ भने अधिकांश शो हाउसफुल भइरहेका छन्।
आज पनि सिनेमाका उपलब्ध शोमध्ये बिहानैदेखि ६० भन्दा बढी शो हाउसफुल देखिएका छन्। आज र भोलि देशभरका हल सञ्चालकले टिकटमा सहुलियत दिने भएकाले सिनेमाको व्यापार अझै बढ्ने अपेक्षा गरिएको छ।
सिनेमामा दयाहाङ राई, विजय बराल, बुद्धि तामाङ, सिर्जना गुरुङ, विपीन कार्की, रिश्मा गुरुङ, पुष्कर गुरुङ, माओत्से गुरुङ, कमलमणि नेपाल, मिरुना मगर, कविता आले, अरुणा कार्की, शिशिर बाङ्देल, विष्णु मोक्तान, प्रमिला राई, सुरज यादव, रमेश बज्राचार्य, हरि मिजर, पञ्च सुब्बा गुरुङ, घनु जोशी, सुमित्रा पेहिम, अनुप न्यौपाने, मधु मिजार, हेमन्त बुढाथोकी, विक्रम श्रेष्ठ, सरोज अर्याल र शेखर चापागाईंलगायत कलाकारको अभिनय रहेको छ।
बाँसुरी फिल्म्सको प्रस्तुतिमा बनेको सिनेमाका निर्माता रामबाबु गुरुङ, मणिराम पोखरेल, मधु मिजार र विशाल गुरुङ हुन्।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.