सल्यानमा जीप दुर्घटना हुँदा ८ जनाको मृत्यु, एकजना घाइते

नमस्ते चितवन

बुधबार, असोज १२, २०७९ मा प्रकाशित

असोज १२ , सल्यान ।सल्यानमा भएको जीप (डबल क्याब) दुर्घटनामा परी ८ जनाको मुत्यु भएको छ । रा १ ज ५६३ नम्वर जीप (डबल क्याब) विहान साडे तीन बजे कपुरकोट गाउँपालिका ६ रिम जलवाङगमा भएको सल्यानका प्रमुख जिल्ला अधिकारी विपिन आचार्यले जानकारी दिए ।

दुर्घटनामा परी मुत्यु हुनेमा अधिकांश कपुरकोट ६ का स्थानीयहरु रहेका छन् । एकजना घाइतेको उद्धार गरी उपचारका लागि पठाइएको छ ।

घटनास्थलमा प्रहरीसहित कपुरकोट गापा अध्यक्ष दुर्गा बहादुर पुन, गापाका स्वास्थ्यकर्मी, स्थानियहरु उद्धारमा खटिरहेका छन् । बाँकेको ढकेरीबाट बिहेबाट फर्कदै गरेका व्यक्तिहरु दुर्घटनामा परेको बुझिएको छ ।जिपमा सवार नौ जना रहेको कपुरकोट गाउँपालिका वडा नम्बर ५ का अध्यक्ष होमबहादुर खड्काले जानकारी दिए ।