कास्की प्रहरीका प्रवक्तासमेत रहेका प्रहरी नायव उपरीक्षक श्रवणकुमार विकले फरार रहेकाहरूको खोजी भइरहेको र अनुसन्धान जारी रहेको  बताए।

मित्रमिलन सहकारीका ७४४ जना बचतकर्ताले रकम फिर्ताको मागसहित जिल्ला प्रहरी कार्यालय कास्कीमा उनीहरुविरुद्ध जाहेरी दिएका छन्। बचतकर्ताले करिब २० करोड रुपैयाँ हाराहारी रकम फिर्ता गर्नुपर्ने दावी गरेका छन्।

कास्की प्रहरीले पोखराकै सूर्यदर्शन बचत तथा ऋण सहकारी र इमेज सहकारीको रकम हिनामिनाविरुद्ध पनि अनुसन्धान गरिरहेको छ।

इमेजका पूर्वअध्यक्ष जिबी राईलगायत र इमेजका संस्थापक अध्यक्ष देवबहादुर नेपालीलगायत अहिले फरार छन्।

सहकारीहरूले बचतकर्ताको रकम हिनामिना गरी फरार हुने क्रम बढ्दा अरू सहकारीले पनि बजारमा विश्वासको संकट झेल्नुपरेको सहकारीकर्मीको गुनासो छ।