गत कात्तिक १५ गतेबाट प्रदर्शन भएको चलचित्र ‘पूर्णबहादुरको सारंगी’ले ४७ करोडको व्यापार गरिसकेको छ ।
यो चलचित्र ५० करोडको माइलस्टोनतर्फ अग्रसर छ । यद्यपि बिहीबारबाट प्रदर्शनमा आउन लागेको ‘पुष्पा २’को आक्रामक ओपनिङले ‘पूर्णबहादुरको सारंगी’लाई असर गर्ने देखिन्छ ।
‘पूर्णबहादुरको सारंगी’ले ४७ करोड कमाउँदा हल सञ्चालकको हातमा मात्रै १९ करोड २७ लाख परेको छ । ४७ करोड ग्रस कलेक्सनमा १३ प्रतिशत भ्याट र ५ प्रतिशत स्थानीय वा मनोरञ्जन कर गरेर १८ प्रतिशत कर राज्यलाई बुझाउनुपर्छ ।
४७ करोडको १८ प्रतिशत भनेको ८ करोड ४६ लाख हो । यसपछि बचेको रकम निर्माता र हल सञ्चालाकले आधाआधा बाँड्छन् । यसमा थप निर्माताले वितरकलाई सम्झौताअनुसार कमिसन पनि बुझाउनुपर्ने हुन्छ । त्यसैले निर्माताले हल सञ्चालकले भन्दा थोरै कमाउँछन् ।
‘पूर्णबहादुरको सारंगी’बाट मात्रै होइन, दशैंमा प्रदर्शन भएका नेपाली चलचित्र ‘छक्कापञ्जा ५’ र ‘१२ गाउँ’बाट पनि हल सञ्चालकले करोडौं कमाएका छन् । ‘छक्कापञ्जा ५’को १८ करोड र ‘१२ गाउँ’को २२ करोड जोड्दा ४० करोड हुन आउँछ । निर्माताले पाउने प्रतिशत र कर कटाउँदा हल सञ्चालकको हातमा १६ करोड ४० लाख परेको छ ।
दशैं र तिहारमा प्रदर्शन भएका यी तीन चलचित्रबाट मात्रै हल सञ्चालकले ३५ करोड ६७ लाख कमाएका छन् । यसमा ‘ज्वाइँ साब’को पाँच करोड हाराहारी, ‘भुलभुलैया ३’ र ‘सिंघम अगेन’ दुवैको १० करोड हाराहारी ग्रसबाट पनि हल सञ्चालकलाई करोडौं आम्दानी भएको देखिन्छ ।
नेपाली चलचित्र ‘ह्रश्व-दीर्घ’ र ‘तेलभिसा’ले गरेको कारोबारबाट पनि हल सञ्चालकलाई फाइदै हुने देखिन्छ । प्रदर्शनमा आउन लागेको दक्षिण भारतीय चलचित्र ‘पुष्पा २’बाट त हल सञ्चालकहरु मालामाल हुने देखिन्छ ।
हल सञ्चालकको उल्लेखित आन्दानीमा करोडौं थप आम्दानी चाहिँ हलमा बज्ने विज्ञापन र हलको क्यान्टिनमा बेचिने खानेकुराबाट प्राप्त हुने मुनाफा हो । यस हिसाबले दशैंतिहारयता मात्रै हलहरुले चलचित्रबाहेक अन्य स्रोतहरुबाट पनि थप करोडौं आम्दानी गरेको देखिन्छ ।
नेपालमा १९८ वटा हल सञ्चालनमा रहेको बताइन्छ, तर चलचित्र विकास बोर्डले १६६ हलमा मात्रै चलचित्र चलाउन दिनु भनेर हालै सूचना जारी गरेको छ ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.