यी संस्थामध्ये अधिकांशले स्वास्थ्य परीक्षण नै नगरी श्रमिकलाई मेडिकल पास भएको रिपोर्ट दिने, नक्कली रिपोर्ट बनाउने गरेका घटना बाहिरिइरहन्छन्। त्यसो हुँदा गन्तव्य मुलुकमा पुगेर मेडिकल फेल भएर युवाहरू फर्किनुपरेका थुप्रै घटना छन्। अध्ययनले मापदण्डमा उल्लेख भएअनुसार सबै स्वास्थ्य परीक्षण नभएको समेत देखाएको छ।यहाँ गुणस्तरीय स्वास्थ्य परीक्षण नहुँदा विभिन्न रोगले ग्रसित युवाहरू पनि गन्तव्य मुलुक पुग्ने र त्यहाँको हावापानी तथा कडा परिश्रमका कारण ज्यानै जाने गरेको भयावह अवस्था छ। कतिपय युवा गन्तव्य पुगेर स्वास्थ्य समस्या अझ जटिल भएपछि फर्किन बाध्य छन्।