देशभरका अधिकांश स्थानीय तह (महानगपालिका, नगरपालिका, उपमहानगरपालिका र गाउँपालिका)का वेबसाइट साइबर आक्रमणकारीको निसानामा परेका छन् । कर्मचारीहरूमा सूचना प्रविधिको सचेतना नहुँदा वेबसाइटहरू ह्याकरको सिकार भएकाे विज्ञहरूले बताएका छन् ।
देशभरका केही पालिकाको वेबसाइट डाउन हुँदा स्थानीय तहहरूले प्रकाशित गर्ने सूचना, जानकारीसहित विभिन्न प्रशासनिक र सामाजिक सुरक्षाको सेवाहरूमा समेत असर परेको छ।
संघीय मामिला तथा सामान्य प्रशासन मन्त्रालयका प्रवक्ता कालीप्रसाद पराजुलीले बर्दियाको बाँसगढी नगरपालिकाको वेबसाइटबाट छिरेर ह्याकरले देशररीको स्थानीय तहका सूचना प्रणालीमा आक्रमण गरेको जानकारी दिएका छन् ।
एकीकृत डाटा व्यवस्थापन केन्द्रका कार्यालय प्रमुख मनीष भट्टराईले स्थानीय तहका केही नगरपालिका तथा गाउँपालिका वेबसाइटहरू पाँच दिनअगाडि नै ब्याकअपसहित रिकभर गरेर नयाँ सिष्टम हालेर पठाए पनि ह्याकरले पहिले नै कमजोरी पत्ता लगाएकाले पुन: आक्रमण गर्न सफल भएको बताएका छन् ।
स्थानीय तहको वेबसाइट डाउन हुँदा कार्यपालिकाको नियमिति कामकारबाहीमा असर परेको छ । कैलालीको जानकी गाउँपालिकाका प्रमुख प्रशासकीय अधिकृत आशिषकुमार चौधरीले कार्यालयका नियमित सूचनाहरू, मन्त्रालयबाट आएका परिपत्रहरू र विज्ञापनहरू राख्न वेबसाइटमा राख्न नपाएको गुनासो गरेका छन् ।
सरकारले नीतिगत रूपमै स्थानीय तहका सबै वेबसाइटहरू एकीकृत डाटा व्यवस्थापन केन्द्रअन्तर्गत बनाउनुपर्ने निर्देशन दिए पनि कार्यान्वयन गर्न सुरू हुन सकेको छैन । पछिल्लो समयमा स्थानीय तहको वेबसाइटहरूमा लगातार समस्या आइरहनु सोसल इन्जिनियरिङ र वेब एप्लिकेशन मुख्य चुनौती रहेको साइबर विज्ञहरू बताउँछन् । साइबर सुरक्षाविज्ञ रोशन पोखरेलका अनुसार सरकारी वेबसाइटहरू ह्याक हुनुमा सरकारी कर्मचारीहरू प्राय ‘सोसल इन्जियरिङ’ प्रति जागरूक नहुनु नै हाे ।
अहिले नेपालमा सामाजिक सञ्जाल (फेसबुक, ह्वाट्सएपलगायत)मार्फत् लाखाैँ लाख डलर पुरस्कार पाएको भन्दै साे रकम प्राप्त गर्न केही रकम बुझाउनु पर्ने भन्दै लाेभ्याएर प्रवेश गर्ने घटना बढिरहेकाले सरकारी तहहरूमा साइबर सचेतना/ जनचेतना दिनुपर्ने उनको भनाइ छ ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.