काठमाडौं — नेपाली कम्युनिष्ट पार्टीको निर्वाचन परिचालन समितिको सचिवालयको दोस्रो बैठक आज पार्टी केन्द्रीय कार्यालय पेरिसडाँडामा सम्पन्न भएको छ। बैठक पार्टी संयोजक पुष्पकमल दाहाल ‘प्रचण्ड’ को अध्यक्षतामा बसेको हो।
बैठकमा निर्वाचन परिचालन समितिका सचिवालय सदस्यहरूले निर्वाचनको तयारी, समसामयिक राजनीतिक अवस्था तथा क्षेत्रगत परिस्थितिबारे आ–आफ्नो रिपोटिङ प्रस्तुत गरेका थिए। रिपोटिङपछि संयोजक प्रचण्डले समग्र राजनीतिक अवस्था र निर्वाचनसम्बन्धी विषयमा धारणा राखेका थिए।
बैठकले केन्द्रीय निर्वाचन परिचालन कमिटीको बैठक आगामी माघ २२ गते बोलाउने निर्णय गरेको छ। साथै, नेता तथा कार्यकर्ताको परिचालन, निर्वाचन अपिल प्रकाशन, घोषणापत्रको सम्पादन तथा प्रकाशन, सुरक्षा व्यवस्था, आर्थिक तथा मिडिया परिचालन, आचारसंहिता र निर्वाचन आयोगसँग सम्बन्धित विषयमा विभिन्न महत्वपूर्ण निर्णयहरू गरेको छ।
निर्वाचन परिचालनको प्रभावकारी अनुगमनका लागि बैठकले प्रदेशगत जिम्मेवारी पनि तोकेको छ। जसअनुसार
कोशी प्रदेश – बेदुराम भुसाल
मधेस प्रदेश – अग्नि साप्कोटा
बागमती प्रदेश – राजेन्द्र श्रेष्ठ
गण्डकी प्रदेश – देव गुरुङ
लुम्बिनी प्रदेश – पम्फा भुसाल
कर्णाली प्रदेश – प्रमेश हमाल
सुदूरपश्चिम प्रदेश – रञ्जिता श्रेष्ठ
लाई जिम्मेवारी प्रदान गरिएको छ।
त्यसैगरी, बैठकले नेता तथा कार्यकर्ताको परिचालनलाई प्रभावकारी बनाउने निर्णय गर्दै निर्वाचनका लागि अपिल छिट्टै प्रकाशित गर्ने र घोषणापत्रलाई सम्पादन गरी यथाशीघ्र प्रकाशन गर्ने निर्णय गरेको छ।
निर्वाचनमा प्रचार–प्रसारलाई सशक्त बनाउने उद्देश्यले अग्नि साप्कोटा को नेतृत्वमा जगतनाथ खतिवाडा र गोविन्द आचार्य सदस्य रहेको केन्द्रीय प्रचार समिति गठन गर्ने निर्णय पनि बैठकले गरेको छ। उक्त समितिले विभिन्न पक्षसँग आवश्यक परामर्श गर्दै प्रचार कार्यलाई व्यवस्थित रूपमा अघि बढाउने जनाएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.