तेहरानस्थित राष्ट्रपति कार्यालयमा इजरायली आक्रमण, हालसम्म ७८७ जनाको मृत्यु

नमस्ते चितवन

मङ्गलबार, फागुन १९, २०८२ मा प्रकाशित

काठमाडौँ- इजरायलले इरानी राष्ट्रपतिको कार्यालयलगायतका प्रमुख अड्डाहरुमा भीषण आक्रमण गरेको छ ।इरानको राजधानी तेहरानस्थित राष्ट्रपति भवन र सरकारी उच्च पदस्थ अधिकारीहरुको कार्यालयमाथि गरिएको आक्रमणमा ठूलो जनधनको क्षति भएको बिबीसीले उल्लेख गरेको छ ।

इजरायलले तेहरानका प्राय: सबै क्षेत्रमा पालैपालो मिसाएल आक्रमण गरेको पनि बिबीसीले जनाएको छ ।इरानको आणविक केन्द्र तेहरानस्थित नतांजमा पनि इजरायली आक्रमणले क्षति पुगेको समाचारमा उल्लेख छ।गत शनिवारदेखि अमेरिका र इजरायलले संयुक्त रुपमा इरानमाथि गरेको आक्रमणमा हालसम्म मृत्यु हुनेको संख्या ७८७ पुगेको छ ।

इरानले प्रत्याक्रमणस्वरुप मध्यपूर्वी देशहरु कतार, कुवेत, साउदी अरब र बहराइनमा मिसाएल आक्रमण गरेको थियो । पछिल्लो पटक साउदी अरबको रियादस्थित अमेरिकी दूतावासमा इरानले ड्रोन हमला गरेको छ ।

अमेरका र इजरायलले गरेको संयुक्त आक्रमणमा इरानी सर्बोच्च नेता आयतुल्लाह अलि खामेनीको मृत्यु भइसकेको छ भने इरानमा नयाँ नेता चयनको प्रकृया अघि बढेको छ ।