सुरक्षण मुद्रण केन्द्रले छापिएका सवारीचालक अनुमतिपत्र (लाइसेन्स) विवरण वेबसाइटमा राख्न सुरु गरेको छ ।
सेवाग्राहीलाई छापिएका लाइसेन्सको जानकारी दिनुका साथै छिटोछरितो प्राप्त गर्न गराउनका लागि वेबसाइटमा राख्न थालिएको हो । केन्द्रका कार्यकारी निर्देशक ढुङ्गानाले भन्नुभयो, “हामीले कति उत्पादन ग¥यौँ भन्ने विवरण सार्वजनिक गरिरहेका छौँ । यातायात व्यवस्था विभाग र कार्यालयसँगको समन्वयमा छापिएका कार्ड सम्बन्धित ठाउँमा पठाउने व्यवस्था पनि मिलाइएको छ ।”
उहाँका अनुसार केन्द्रले हाल दैनिक करिब ४० हजारप्रति लाइसेन्स छाप्न थालेको छ । दुई सिफ्टमा छपाइ भएको छ । २९ लाखप्रति लाइसेन्स असार मसान्तसम्म छापिसक्ने योजना अनुसार काम भइरहेको ढुङ्गानाले बताउनुभयो । एउटा जिल्लामा ६८ हजारदेखि एक लाखप्रति लाइसेन्स छाप्न बाँकी छ ।
सञ्चार तथा सूचना प्रविधिमन्त्री डा. विक्रम तिमिल्सिनाले लाइसेन्सको ढिलासुस्ती हटाउन निर्देशन दिएपछि छपाइ तीव्र पारिएको हो । २०७२ सालमा लागु भएको स्मार्ट लाइसेन्स सुरुकै दिनदेखि छाप्न बाँकी रहँदै आएको थियो । सुरुवाती दिनमा दैनिक माग करिब पाँच हजार रहँदा दैनिक दुई हजार पाँच सयसम्म छाप्ने गरिएको थियो । जसले गर्दा क्रमशः छाप्न बाँकी लाइसेन्सको सङ्ख्या थपिँदै जाँदा हाल २९ लाख प्रति पुगेको हो । प्रिन्ट लाइसेन्स प्राप्त गर्न कम्तीमा तीन वर्षसम्म कुर्नुपर्ने बाध्यता रहँदै आएको छ ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.