त्यसअघि टस जितेर पहिले ब्याटिङ गरेको जनकपुरले निर्धारित २० ओभरमा सात विकेट गुमाएर १४७ रन बनाएको थियो ।

जनकपुरका त्रितराज दासले सर्वाधिक ६१ रन बनाए । उनले ५५ बलमा सात चौका र दुई छक्का प्रहार गरे । अन्तिमतिर अभिषेक तिवारीले आक्रामक ब्याटिङ गर्दै १० बलमा एक चौका र दुई छक्कासहित अविजित २४ रन जोडे ।

मोइन अलीले पनि १६ बलमा २१ रनको योगदान दिए । अन्य ब्याटरले भने उल्लेखनीय स्कोर बनाउन सकेनन् ।

पोखराका शाकिब अल हसनले चार ओभरमा १५ रन खर्चेर तीन विकेट लिए । चमिका करुणारत्नेले दुई तथा महेदी हसन र मोहम्मद साइफुद्दिनले समान एक विकेट हात पारे ।

यसअघि जनकपुरले पहिलो खेलमा काठमाडौं गोर्खाजलाई आठ विकेटले पराजित गरेको थियो भने दोस्रो खेलमा कर्णाली याक्ससँग १९ रनले हारेको थियो । पोखरा भने पहिलो खेलमा सुदूरपश्चिम रोयल्ससँग ६ विकेटले पराजित भएको थियो ।

जनकपुरले तेस्रो खेलमा पोखरालाई हराउँदै प्रतियोगितामा दोस्रो जित दर्ता गरेको छ भने पोखराको जितको प्रतीक्षा थप लम्बिएको छ ।