भाद्र १९ , काठमाडौं । नेपालको शिक्षा क्षेत्रमा महत्वपूर्ण योगदान गर्नुहुने ६ जना शिक्षक शिक्षिकाहरुलाई प्रजापति प्रसाई उत्कृष्ट शिक्षक पुरस्कार र पर्यटन प्रवर्द्धनको क्षेत्रमा योगदान गर्ने पर्यटन व्यवसायीलाई लाईफ टाइम अचिभमेन्ट अवार्ड प्रदान गरिएको छ ।

राष्ट्रपति कार्यालय शितल निवासमा आज आयोजित पुरस्कार वितरण तथा सम्मान समारोहमा राष्ट्रपति रामचन्द्र पौडेलले प्रजापति प्रसाई लाईफ टाईम अचिभमेन्ट अवार्ड २०८० पर्वतारोही एवं पर्यटन व्यवसायी आङ्छिरिङ शेर्पालाई प्रदान गर्नुभयो ।

राष्ट्रपति पौडेलले विभिन्न प्रदेश अन्तरगत विभिन्न विद्यालयका छ जना उत्कृष्ट शिक्षक शिक्षिकालाई प्रजापति प्रसाईँ उत्कृष्ट शिक्षक पुरस्कार प्रदान गर्नुभयो । पुरस्कारको राशी जनही ५० हजार रुपैँया नगद र प्रमाणपत्र रहेको छ ।

यसरी उत्कृष्ट शिक्षक पुरस्कारबाट पुरस्कृत हुनेहरुमा कोशी प्रदेशबाट फिक्कलका सोमप्रसाद गौतम, वाग्मती प्रदेशबाट काठमाडौकी कमला राई, गण्डकी प्रदेशबाट कास्कीकी टुकादेवी आचार्य रहनुभएको छ ।

यस्तै लुम्बिनी प्रदेशबाट पाल्पाका गोपालप्रसाद बस्याल, कर्णाली प्रदेशबाट डोल्पाका जयवहादुर बस्नेत र सुदुर पश्चिम प्रदेशबाट कैलालीका शिक्षक जितबहादुर चौधरी रहनुभएको छ । यसैगरी मकवानपुरको देवहित आधारभूत विद्यालयलाई एक लाख रुपैयाँ राशीको विद्यालय प्रोत्साहन पुरस्कार २०८० प्रदान गरिएको छ ।

मङ्गलबार, भदौ १९, २०८० मा प्रकाशित

तपाईको प्रतिक्रिया

सम्बन्धित समाचार

‘पाँच पाण्डव’को गीत ‘दाजुभाइ जस्ता हुँदैनन् अरू’ सार्वजनिक, कात्तिक २० देखि प्रदर्शनमा आउने

‘ऊनको स्वीटर’को सिक्वेल ‘कलेजी’को छायाङ्कन सुरु, पहिलो दिन पीयूष र एलेक्सका दृश्य खिचिए

कमलसिंह ऐरी चम्किँदा चितवन राइनोजको विजयी सुरुआत, विराटनगर ८ रनले पराजित

चितवनको कुरिनटारमा तीन सवारीसाधन एकआपसमा ठोक्किए, १० जना घाइते

गौतमबुद्ध क्रिकेट रङ्गशालाको काम सुस्त

विपना थापा र वर्षा राउतको अभिनय रहने फिल्म ‘बाकस’को छायांकन सुरु