आज कुशे औंसी तथा बावुको मुखहेर्ने दिन, गोकर्णेश्वर र देवघाटमा भक्तजनको घुईचो

नमस्ते चितवन

बिहिबार, भदौ २८, २०८० मा प्रकाशित

काठमाण्डौं, भदौ २८
हिन्दु धर्मालम्बीहरूको पर्व कुशे औंसी तथा बावुको मुख हेर्ने दिन आज देशभर पितालाई विशेष सम्मान गरी मनाइँदैछ । ‘पितृदेवो भवः’ अर्थात् जन्म दिने बाबुलाई देवता समान मान भन्ने धार्मिक मान्यता अनुसार आज छोराछोरीले पितालाई विशेष सम्मान गर्ने गर्छन् । आजको दिन पिताप्रति आदर सम्मानका साथ मीठो खाना तथा राम्रो लगाउन दिने प्रचलन छ । पिता गुमाएकाहरूले भने उपत्यकाको उत्तर–पूर्वी भेगस्थित गोकर्णेश्वरमा गई तर्पण, सिदा दान र श्राद्ध गर्ने परम्परा छ ।

कुशे औँशीका दिन आज राजधानीको उत्तरपूर्वी भेगस्थित गोकर्णेश्वर महादेव मन्दिर परिसरमा दिवङ्गत पितृका नाममा जलदान, सिदादान र पिण्डदान गर्न भक्तजनको भीड लागेको छ ।

यस्तै चितवन, नवलपुर र तनहुँको सिमानामा पर्ने त्रिशूली र कालीगण्डकी नदीको सङ्गमस्थल देवघाट बेनीमा पितृको नाममा तर्पण तथा दान गर्न भक्तजनको घ्ईचो लागेको छ । कुशे औँशीका दिन बुबा नहुनेहरूले यहाँ आएर स्नान गरी श्राद्ध, पिण्डदान तथा तर्पण दिने गर्छन् ।