अन्नपूर्णले उत्प्रेरणा र मार्गदर्शन गर्छ : उपप्रधानमन्त्री श्रेष्ठ

नमस्ते चितवन

सोमबार, जेठ २१, २०८१ मा प्रकाशित

अन्नपूर्ण हिमालको काखमा पर्ने पर्यटन राजधानी पोखरामा सोमबार अन्नपूर्ण दिवस मनाइएको छ । आरोहण गर्न जोखिमपूर्ण भएकाले ‘किलर माउन्टेन’ समेत भनिने अन्नपूर्ण प्रथमको पहिलो आरोहण भएको ७४ औँ वार्षिकोत्सव विविध कार्यक्रम गरी मनाइएको हो ।

नेपाल सरकार परराष्ट्र मन्त्रालय र नेपाल पर्यटन बोर्ड गण्डकी प्रदेश कार्यालयले आयोजना गरेको समारोहमा उपप्रधान तथा परराष्ट्रमन्त्री नारायणकाजी श्रेष्ठले अन्नपूर्णमा पहिलो पाइला टेक्ने मौरिस हर्जाेगको सालिक अनावरण गर्नुभयो । म्याग्दीको अन्नपूर्ण गाउँपालिकाले बनाएको सालिक अब अन्नपूर्ण आधार शिविरमा राख्ने तयारी गरिएको छ ।

कार्यक्रममा उपप्रधानमन्त्री श्रेष्ठले आरोहण भएको आठ हजार मिटरभन्दा अग्लो पहिलो हिमाल अन्नपूर्ण प्रथमले नेपालको पर्यटन र जीवनमै विशेष अर्थ राख्ने उल्लेख गर्नुभयो । “अन्नपूर्णले हामीलाई मार्गदर्शन गर्छ, ऊर्जा पनि भर्छ” उहाँले भन्नुभयो, “अन्नपूर्ण आरोहण मानिसको आत्मविश्वास र असीमित सम्भावनाको विजय थियो । यो नेपालको पर्यटनको कोसेढुङ्गा हो ।