चलचित्र ‘मितज्यू मा दयाहाङ राई र तेरिया मगर अनुबन्धित

नमस्ते चितवन

बुधबार, फागुन २८, २०८१ मा प्रकाशित

काठमाडौं , फागुन २८ – अनिल बुढा मगरको निर्देशन रहने चलचित्र ‘मितज्यू’ को प्रमुख कलाकारमा दयाहाङ राई र तेरिया मगर अनुबन्धित भएका छन्।निर्माण टिमले फेसबुकमार्फत अनुबन्ध सम्बन्धी जानकारी दिएको हो।

‘डान्स इण्डिया डान्स लिटिल मास्टर्स-२०१४’ तथा सन् २०१७ को ‘झलक दिखला जा (सिजन ९)’ की विजेता समेत रहेकी तेरियाको यो डेब्यू चलचित्र हुनेछ।

निर्माण पक्षले दया र तेरियालाई एकसाथ अनुबन्ध गरिएको सार्वजनिक गरे पनि सिनेमामा उनीहरू जोडीका रूपमा रहने-नरहनेबारे कुनै जानकारी दिएको छैन।

जिएम मूभिज प्रोडक्सन र एबीएम सिने प्रोडक्सनको ब्यानरमा बन्ने फिल्मको छायांकन अर्को वर्षबाट सुरु हुनेछ।चलचित्रका निर्माता जनक घर्तीमगर हुन्। चलचित्र ‘मितज्यू’ २०८२ को चैत्र २७ गतेबाट प्रदर्शन हुनेछ।