चलचित्र ‘मोहर’को उत्साहजनक बुकिङ

नमस्ते चितवन

बुधबार, साउन २१, २०८२ मा प्रकाशित

काठमाडौं ,साउन २१
फिल्म मेकर्स प्रा.लिको व्यानरमा चुम्बन जंग शाहीले निर्माण गरेको फिल्म ‘मोहर’को बुकिङ देशभरका मुख्य मल्टिप्लेक्सहरुले खुलाएका छन् ।केही हलले मंगलबार नै बुकिङ खुलाएका हुन् भने केही हलहरुले आजबाट बुकिङ खुलाएका छन् ।

यो फिल्मलाई इलाइट सिनेमा, इटहरीमा ४ शोज, बीग मुभिजमा २ शोज, क्यूएफएक्स छायामा २ शोज, आई एन आई सिनेमाज लोत्सेमा ३ शोज, आइएनआई सिनेमाज् बाँनेश्वरमा ३ शोज, वान सिनेमाज् नयाँ बाँनेश्वरमा ४ शोज, वान सिनेमाज् कालिमाटीमा २ शोज मिलेको छ ।

यस्तै, फिल्मलाई एफक्यूब हलमा ३ शोज, क्यूएफएक्स राइजिङ मलमा १ शोज, बीएसआर मुभिज, गंगबुमा ३ शोज, क्यूएफएक्स भक्तपुरमा २ शोज, क्यूएफएक्स ट्रेड मल पोखरामा ३ शोज, क्यूएफएक्स जलमाले २ शोज, क्यूएफएक्स सिजी मल चितवनमा २ शोज, कावासोती सिनेमाजमा ३ शोज, म्याङ्गो जनज्योती पर्सामा २ शो, क्यूएफएक्स बुटवलमा २ शोज, क्यूएफएक्स एपेक्स मल दमौलीमा २ शोज, क्यूएफएक्स विराटनगरमा एक शो, क्यूएफएक्स विर्तामोडमा २ शोज, पाथिभरा सिनेप्लाजा विर्तामोडमा २ शोज, एसटीसी सिनेमामा २ शोज, सीडीसी सिनेमाज सुनधारामा ४ शोज मिलेको छ ।

फिल्मलाई क्यूएफएक्स लाबिम मलमा २ शोज, क्यूएफएक्स सिभिल मलमा ३ शोज, क्यूएफएक्स दरबारमा १ शोज, क्यूएफएक्स सिटी स्वायरमा ३ शोज, क्यूएफएक्स बागेश्वरीमा २ शोज मिलेको छ ।अझै थुप्रै मल्टिप्लेक्सले शोज खुलाउन बाँकी नै रहेकाले फिल्मले सुखद शोज पाउने देखिएको छ ।

ओम प्रतिकको लेखन तथा निर्देशनमा तयार भएको यो फिल्ममा पल शाह, नीति शाह, बेनिशा हमाल, अर्जुन जंग शाही, लक्ष्मी गिरी, सारा शर्मा लगायतका कलाकारहरुको अभिनय छ । फिल्म ‘मोहर’को गीतसंगीत र ट्रेलरले दर्शकको उच्च साथ पाइसकेका कारण पनि बक्स अफिसमा सुखद ओपनिङ गर्ने अपेक्षा गरिएको छ । फिल्मले देउकी प्रथाको कथा भन्छ ।