‘तीन करोड जनता नै नेपालको वास्तविक फौज’

भू–राजनीतिक संवेदनशीलतामध्ये नेपालले ठूला राष्ट्रहरूसँग प्रतिस्पर्धा गर्न सैन्य शक्ति विस्तार गर्न नसक्ने भन्दै उनले भने—
“हामीसँग तीन करोड नेपाली जनताको शक्ति छ, यही नै हाम्रो राष्ट्रिय फौज हो। जनता जागे भने जस्तोसुकै ठूलो शक्ति पनि परास्त हुन्छ।”

निर्वाचन, सुधार र समाजवादको बीउ

सरकार गठनमा आफ्नो पक्षको भूमिका रहेको जिकिर गर्दै प्रचण्डले तोकिएकै मितिमा निर्वाचन सम्पन्न गर्न सरकारलाई आग्रह गरे। उनले निर्वाचन निष्पक्ष र सही ढंगले हुनुपर्नेमा जोड दिए।

त्यस्तै, कृषि, शिक्षा, स्वास्थ्य र उद्योग क्षेत्रमा क्रान्तिकारी परिवर्तन गर्दै स्थानीय तहबाटै समाजवादको बीउ रोप्न नेतृत्व र कार्यकर्तालाई तयारी अवस्थामा रहन उनले अपिल गरे।

विचार उमेरले होइन, सही–गलतले निर्धारण हुन्छ : प्रचण्ड

पार्टी नेतृत्व र भूमिकाबारे प्रचण्डले अनुभव र युवा उत्साह दुवैलाई सम्मान गर्नुपर्ने धारणा राखे।
उनले भने—“वृद्धलाई पाखा लगाउनु भनेको अनुभव हटाउनु हो। युवाको उत्साह मार्नु पनि हुँदैन। समाज खल्बल्याउने काम नगरी सबैको भूमिका संयोजन गरेर अघि बढ्नुपर्छ।”

कार्यक्रममा प्रचण्डले मुलुकलाई समृद्ध, सुरक्षित र स्थिर बनाउन जनता र सबै लोकतान्त्रिक शक्तिहरूको साझा एकता अपरिहार्य रहेको दोहोर्याए।