‘पाँच पाण्डव’को कथा, पटकथा तथा संवाद सुशील पौडेलले लेखेका हुन् । लेखक पौडेलका अनुसार यो चलचित्र सामाजिक ड्रामा विधामा आधारित छ । महाभारतका पाँच पाण्डवका चरित्र र विम्बलाई प्रयोग गर्दै चलचित्रले समकालीन नेपाली समाजको कथा प्रस्तुत गरेको छ ।

चलचित्रलाई श्याम तामाङले छायांकन गरेका छन् । सुप्रिम पराजुलीको सम्पादन तथा रङ्ग संयोजन रहेको चलचित्रमा सम्राट बस्नेतको द्वन्द्व निर्देशन, गम्भीर विष्ट र विक्रम स्वाँरको कोरियोग्राफी तथा अर्जुन पोखरेलको संगीत छ ।

त्यस्तै, उत्तम न्यौपानेको साउन्ड डिजाइन, सुजिल कर्माचार्यको ब्याकग्राउन्ड म्युजिक (बीजीएम), पुकार धिमालको भिएफएक्स, रोहित राज गौतमको एचओपी र विष्णु बुढाथोकीको प्रोडक्सन व्यवस्थापन रहेको छ ।

चलचित्रमा दर्शकले डल्बी एटमस साउन्डको अनुभव लिन पाउने निर्माणपक्षले जनाएको छ ।

ओएसआर डिजिटल चलचित्रको डिजिटल पार्टनर रहेको छ भने रोहित कट्टेल र रत्न श्रेष्ठको आरआर फिल्म्सले चलचित्रलाई देशव्यापी वितरण गरेको छ ।