आगामी निर्वाचनपछि एमालेकै सरकार बन्ने ओलीको दावी

नमस्ते चितवन

शनिबार, मङि्सर २०, २०८२ मा प्रकाशित

काठमाडौं-नेकपा एमालेका अध्यक्ष केपी शर्मा ओलीले आगामी निर्वाचनपछि फेरि पनि एमाले सरकारमा आउने बताउनु भएको छ ।शनिबार एमाले केन्द्रीय कार्यालय च्यासलमा आयोजित एक कार्यक्रमा एमाले अध्यक्ष ओलीले निर्वाचन जहिले भएपनि त्यसपछि एमालेकै सरकार बन्ने बताउनु भएको हो ।

‘चुनाव जहिले होस्, हामी यो बीचमा सरकार बनाउने खेलमा छैनौं। स्वतन्त्र, निष्पक्ष, धाँधलीरहित र शान्तिपूर्ण चुनाव पर्खिरहेका छौं,’ ओलीले भन्नुभयाे, । हामी जहिले चुनाव हुन्छ, त्यैले अबको सरकार भनेको चुनावबाट आउने सरकार एमाले नै हो। अरु आउँछन् कि आउँदैनन् थाहा छैन एमाले चाहीँ आयो आयो । ओलीको भनाइ छ । ।

अब फेरि हाहुकै भरमा सरकार नबन्ने ओलीको टिप्पणी थियो । शान्तिपूर्ण निर्वाचनको पर्खाइमा आफ्नो दल रहेको पनि ओलीले बताउनु भयो । उहाँले जेनजी सरकारकै प्रधानमन्त्री आफूभन्दा तीन महिनामात्र कान्छो भएको भन्दै कटाक्ष समेत गर्नुभयाे ।