रुकुम पूर्व । हिजो पूर्वी रुकुमबाट मनोनयन दर्ता गराएका नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’ले आज रुकुम पूर्वमा मोर्निङ वक गर्दै चुनावी गतिविधि सुरु गरेका छन्।
मोर्निङ वकका क्रममा संयोजक प्रचण्डले जनयुद्धका बेला रुकुमकोट प्रहरी चौकी कब्जा गरिएको स्थलको अवलोकन गरेका छन्। हाल उक्त स्थानमा निर्माण गरिएको युद्ध संग्रहालयलाई अझ व्यवस्थित र व्यवधानरहित बनाइने प्रतिबद्धता उनले व्यक्त गरे।
मोर्निङ वकसँगै संयोजक प्रचण्डले रुकुम पूर्वका विभिन्न स्थानमा घरदैलो अभियानको औपचारिक सुरुवात पनि गरेका छन्। घरदैलोका क्रममा उनले सहिद सिता घर्तीमगरकी आमा, सहिद जीवन काजीकी आमालगायत विभिन्न सहिद परिवारका सदस्यहरूसँग भेटघाट गरेका छन्।
सहिद परिवारसँगको भेटमा संयोजक प्रचण्डले जनयुद्धका सहिदहरूको सपना आफूले कहिल्यै नबिर्सिएको उल्लेख गर्दै, सहिदहरूको सम्मानमा राज्यस्तरबाट कामको थालनी भइसकेको र आगामी दिनमा अझ बढी अधिकार स्थापित गर्न आफू सक्रिय रहने प्रतिबद्धता जनाए।
उनले आफू सरकारमा रहँदा जनयुद्धका सहिदहरूको नाम राष्ट्रिय रूपमा राजपत्रमा प्रकाशित गरिएको, सहिद परिवारका सदस्यलाई रोजगारी तथा विभिन्न अवसर उपलब्ध गराउने कार्यविधि निर्माण गरिएको जानकारी पनि दिएका छन्।
मोर्निङ वक र घरदैलो अभियानका क्रममा संयोजक प्रचण्डले रुकुम पूर्वका पुराना कम्युनिष्ट नेता, कार्यकर्ता तथा स्थानीय जनतासँग प्रत्यक्ष भेटघाट गर्दै आगामी निर्वाचनमा नेपाली कम्युनिष्ट पार्टीलाई मतदान गर्न अपिल गरेका छन्।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.