काठमाडौं — नेपाल कम्युनिस्ट पार्टी (एमाले) परित्याग गरी कीर्तिपुर नगरपालिकाका पूर्व मेयर रमेश महर्जन र वडा नं. ६ का पूर्व वडाध्यक्ष नुच्छे महर्जन नेपाली कम्युनिस्ट पार्टी मा प्रवेश गरेका छन्।
उनीहरूलाई पार्टीका संयोजक पुष्पकमल दाहाल र बामदेव गौतम लगायत नेताहरूले आइतबार पार्टी केन्द्रीय कार्यालय पेरिसडाँडामा स्वागत गर्दै पार्टी प्रवेश गराएका हुन्।
प्रचण्डको धारणा
कार्यक्रममा संयोजक प्रचण्डले नेपाली कम्युनिस्ट पार्टी धेरै कम्युनिस्ट शक्तिहरूको एकताबाट बनेको उल्लेख गर्दै भविष्यमा सिङ्गो एमालेसहितको बृहत् वाम एकतामा पुग्ने विश्वास व्यक्त गरे। उनले राष्ट्रवादी शक्तिहरूबीचको सहकार्यले देशको राजनीतिमा सकारात्मक सन्देश जाने धारणा राखे।
उम्मेदवारलाई जिताउने प्रतिबद्धता
पार्टी प्रवेश गरेका रमेश र नुच्छे महर्जनले कीर्तिपुर–१० मा तारा चिन्हबाट उम्मेदवार रहेकी रुपा महर्जन लाई विजयी गराउन सक्रिय भूमिका खेल्ने प्रतिबद्धता जनाए।
पूर्व मेयर रमेश महर्जनले दुई तिहाइ सरकारको नेतृत्व गर्दा पनि जनअपेक्षा अनुसार काम हुन नसकेको टिप्पणी गर्दै तत्कालीन प्रधानमन्त्री केपी शर्मा ओली सँग पुनः जनतासँग मत माग्ने नैतिक आधार नरहेको आरोप लगाए।
कीर्तिपुरको राजनीतिक समीकरणमा यस प्रवेशले नयाँ बहस र तरंग सिर्जना गरेको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.