रोल्पाबाट नेपाली कम्युनिष्ट पार्टीका वर्षमान पुन विजयी

नमस्ते चितवन

शनिबार, फागुन २३, २०८२ मा प्रकाशित

रोल्पा , फागुन २३। नेपाली कम्युनिष्ट पार्टीका नेता वर्षमान पुन रोल्पाबाट प्रतिनिधि सभा सदस्यमा विजयी हुनुभएको छ ।पुनले नेपाली कांग्रेसका डा. सुदनकुमार वलीलाई १५ हजार ४सय ५२ मतले पराजित गर्दै विजयी हुनुभएको हो । उहाँ रोल्पाबाट लगातार तेस्रो पटक जित्नु भएको हो ।

पुनले २७ हजार ४ सय ६० मत प्राप्त गर्नुभएको छ । उहाँका निकटतम प्रतिस्पर्धी नेपाली कांग्रेसका डा.वलीले १२ हजार ८ मत प्राप्त गर्नुभएको छ । त्यस्तै राष्ट्रिय स्वतन्त्र पार्टीका बालराम थापाले १० हजार ८ सय ९४ मत प्राप्त गर्नुभएको छ, भने नेकपा (एमाले)का गोकुलप्रसाद घर्तीले ९ हजार ९ सय ३३ मत प्राप्त गर्नुभएको छ ।

रोल्पाबाट प्रतिनिधि सभा सदस्यमा निर्वाचन पुनको संसदीय यात्रामा यो चौथो जित हो । रोल्पा नगरपालिका-७ जंकोट माडिचौरका पुन पहिलो पटक २०६४ सालको संविधान सभा निर्वाचनमा ललितपुर–१ बाट विजयी हुनुभएको थियो । २०७० सालको दोस्रो संविधानसभा निर्वाचनमा मोरङ-९ बाट पराजित हुनुभएका उहाँ २०७४ र २०७९ सालको प्रतिनिधि सभा सदस्यमा रोल्पाबाट निर्वाचित हुनुभएको थियो ।

कुल खसेको ६८ हजार ९ सय १७ मत खसेकोमा ३ हजार १ सय ४४ मत बदर भएको मुख्य निर्वाचन अधिकृत विनोद खतिवडाले जानकारी दिनुभएको छ ।