☰

लोकप्रिय समाचार

दाउन्ने दुर्घटनामा तीन जनाको मृत्यु, १५ जना घाइते

  •   शनिबार, चैत १४, २०८२ मा प्रकाशित

नवलपरासी । नवलपरासी मा गएराति भएको सवारी दुर्घटनामा तीन जनाको ज्यान गएको छ भने १५ जना घाइते भएका छन्।

बर्दघाट नगरपालिका–४ स्थित घ्यूखोलामा करिब राति १ बजे तीनवटा सवारी साधन एकआपसमा ठोक्किँदा दुर्घटना भएको हो। बुटवलतर्फ जाँदै गरेको ट्रक, बस र पिकअप गाडीबीच ठक्कर भएपछि ठूलो दुर्घटना भएको प्रहरीले जनाएको छ।

दुर्घटनामा परेर रोल्पाका २५ वर्षीय गोविन बुढाको मृत्यु भएको पुष्टि भएको छ भने अन्य दुई जनाको पहिचान खुल्न बाँकी रहेको छ। सबै मृतक पुरुष रहेको बताइएको छ।

घाइते १५ जनालाई उपचारका लागि नजिकैका अस्पतालमा पठाइएको छ। प्रहरीका अनुसार ठक्करपछि बस र ट्रक करिब २०० मिटर तल खसेका थिए, जसका कारण क्षति थप बढेको हो।

प्रहरीले घटनाको थप अनुसन्धान गरिरहेको जनाएको छ।

शनिबार, चैत १४, २०८२ मा प्रकाशित
तपाईको प्रतिक्रिया

लोकप्रिय

भर्खरै