पूर्व सीडीओ छवि रिजाल पक्राउ, जेनजी आन्दोलन प्रकरणमा अनुसन्धान अघि बढ्दै

नमस्ते चितवन

मङ्गलबार, चैत १७, २०८२ मा प्रकाशित

काठमाडौं — काठमाडौंका तत्कालीन प्रमुख जिल्ला अधिकारी छवि रिजाल पक्राउ परेका छन्। उनलाई आज बिहान प्रहरीले नियन्त्रणमा लिएको उच्च स्रोतले जनाएको छ।

भदौ २३ र २४ गतेको जेनजी आन्दोलनका क्रममा भएको सुरक्षा दमनमा उनको भूमिकालाई लिएर जाँचबुझ आयोगले लापरबाही ठहर गर्दै कारबाहीका लागि सिफारिस गरेको थियो।

गौरी बहादुर कार्की नेतृत्वको आयोगले मुलुकी अपराध संहिताअनुसार ज्यान सम्बन्धी कसुरमा अनुसन्धान गर्न सिफारिस गरेपछि सोही आधारमा रिजाललाई पक्राउ गरिएको हो।

उक्त आन्दोलनका बेला रिजाल काठमाडौंका प्रमुख जिल्ला अधिकारीका रूपमा कार्यरत थिए। आयोगको सिफारिसपछि घटनाबारे विस्तृत अनुसन्धान अघि बढाइएको प्रहरीले जनाएको छ।