गुठीको ३० रोपनी जग्गा अतिक्रमणमा
यसैबीच, प्रवक्ता कुँवरका अनुसार राम मन्दिर गुठीको नाममा रहेको १४९ रोपनी जग्गामध्ये ३० रोपनी अतिक्रमणमा परेको छ । उक्त जग्गामा ३७ घरधुरीका १०६ जना बसोबास गर्दै आएका छन् ।

गुठीको नाममा रहेको जग्गाको लालपुर्जा दिन नमिल्ने भएकाले उक्त जग्गा खाली गर्न आग्रह गरिएको उहाँले बताउनुभयो । वास्तविक भूमिहीन सुकुम्बासीलाई सङ्घीय सरकारले नै जग्गा व्यवस्थापन गर्ने तयारी गरिरहेकाले गुठीको जग्गा छोड्न अनुरोध गरिएको उहाँको भनाइ छ ।

कुँवरले भन्नुभयो, “कहिँकतै जग्गा नभएका वास्तविक भूमिहीनलाई सरकारले लालपुर्जा दिने तयारी गरेको छ । त्यसैले गुठीको जग्गा खाली गर्न आग्रह गरेका छौँ ।”

घरायसी कागजपत्र बनाएर गुठीको जग्गा किनबेच गर्ने गरिएको पाइएको उल्लेख गर्दै उहाँले जोखिम मोलेर त्यस्तो खरिद–बिक्री नगर्न आग्रह गर्नुभयो ।

उहाँले भन्नुभयो, “हुकुमबासीले जग्गा पाउँदैनन्, वास्तविक सुकुम्बासीले मात्रै कानुनअनुसार जग्गा पाउने सुनिश्चितता गरिएको छ । त्यसैले अतिक्रमित जग्गा खाली गर्न पालिकाले अनुरोध गरेको हो ।”