काठमाडौं । राष्ट्रिय स्वतन्त्र पार्टी (रास्वपा)ले आफ्ना प्रतिनिधिसभा सदस्यहरूलाई लक्षित गर्दै दुईदिने प्रशिक्षण कार्यक्रम सुरु गर्ने भएको छ। पार्टीले संसदीय भूमिकालाई थप प्रभावकारी र व्यवस्थित बनाउन सांसदहरूलाई प्रशिक्षण दिन लागेको जनाएको छ।
रास्वपाको प्रशिक्षण विभागका अनुसार आज र भोलि सिंहदरबारस्थित संसदीय दलको कार्यालयमा बिहान ११ बजेदेखि बेलुका ५ बजेसम्म प्रशिक्षण सञ्चालन हुनेछ। कार्यक्रममा पार्टीबाट निर्वाचित सबै प्रतिनिधिसभा सदस्यहरूको सहभागिता अनिवार्य गरिएको छ।
प्रशिक्षणमा संसदीय प्रक्रिया, नीति निर्माण, सार्वजनिक अभिव्यक्ति, विधेयक अध्ययन तथा समसामयिक राजनीतिक विषयमा छलफल हुने बताइएको छ। पार्टीभित्र सांसदहरूको कार्यशैलीलाई थप एकरूप र प्रभावकारी बनाउने उद्देश्यले कार्यक्रम आयोजना गरिएको रास्वपाले जनाएको छ।
पछिल्लो समय संसद्मा सक्रिय भूमिका खेल्दै आएको राष्ट्रिय स्वतन्त्र पार्टी (रास्वपा)ले आफ्ना सांसदको क्षमता अभिवृद्धिलाई प्राथमिकतामा राख्दै प्रशिक्षण कार्यक्रमलाई निरन्तरता दिने संकेत गरेको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.