जवाफी ब्याटिङ गरेको अमेरिकाका लागि सञ्जयकृष्ण मूर्तिले अर्धशतकीय इनिङ खेल्नुभयो । उहाँले संकटमा देखिएको अमेरिकाको ब्याटिङ लाइनलाई उकास्दै ४४ बलको सामना गरेर ५६ रन बनाउनुभयो ।

अमेरिकालाई सस्तैमा समेट्न नेपालका लागि सन्दीप लामिछानेले तीन विकेट हात पार्नुभयो भने ललितनारायण राजवंशीले दुई विकेट हात पार्नुभयो । सोमपाल कामी, दीपेन्द्रसिंह ऐरी र गुल्सन झाले एकएक विकेट हात पर्नुभयो ।

लिग–२ को तालिकामा अमेरिका ३८ अंकसहित शीर्ष स्थानमा छ । समान २८ खेल खेलेको नेपाल २४ अंकसहित पाँचौ स्थानमा कायम छ। योसँगै नेपालले अमेरिकालाई त्रिवि मैदानमा लगातार दोस्रो खेलमा हराएको हो । यसअघिको खेलमा नेपालले अमेरिकालाई ९ विकेटले हराएको थियो । घरेलु मैदानमा भएको यो शृङ्खलाका चारमध्ये तीन खेलमा विजयी हुँदै नेपालले महत्त्वपूर्ण ६ अंक जोडेको छ ।