गुल्मी, जेठ १५ गते। गुल्मीका दुई वडा अध्यक्ष पदमुक्त हुनुभएको छ । नेपाली कांग्रेसबाट निर्वाचित यस जिल्लाको मुसिकोट नगरपालिका वडा नम्बर २ का वडा अध्यक्ष रविन्द्र केसी र धुर्कोट गाउँपालिका वडा नम्बर ३ का वडा अध्यक्ष पदमबहादुर विष्ट पदमुक्त हुनुभएको हो।
कांग्रेसबाट २०७९ सालको स्थानीय तहको निर्वाचनमा निर्वाचित दुवै जना राष्ट्रिय स्वतन्त्र पार्टी (रास्वपा)मा प्रवेश गरेसँगै नेपाली कांग्रेस जिल्ला कार्यसमिति गुल्मीले पार्टी परित्याग गरेको जानकारी केन्द्रीय कार्यसमितिलाई गराएको कांग्रेस गुल्मीले जनाएको छ। राजनीतिक दलसम्बन्धी ऐन, २०७३ को दफा ३२ को उपदफा (१) र राजनीतिक दलसम्बन्धी नियमावली, २०७४ को नियम २२ बमोजिम दल त्याग गरेको बेहोरा दलको केन्द्रीय समितिले निर्णय गरी आयोगलाई जानकारी गराउनुपर्ने कानुनी व्यवस्था रहेको छ।
नेपाली कांग्रेस केन्द्रीय कार्यसम्पादन समितिको निर्णयको प्रतिलिपिसहित अन्य दलमा प्रवेश गरेको भनी आयोगमा आएको जानकारी अनुसार निर्वाचन आयोगको जेठ १३ गतेको निर्णयबाट उहाँहरुलाई पदमुक्त गरिएको छ । राजनीतिक दलसम्बन्धी नियमावली, २०७४ को नियम २२ को उपनियम (२) बमोजिम दुवै जनाको पद खाली भएको आयोगले जनाएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.