काठमाडौं । परराष्ट्रमन्त्री शिशिर खनाल तीनदिने औपचारिक भारत भ्रमण सम्पन्न गरी आइतबार स्वदेश फर्किएका छन्।
भारतीय विदेशमन्त्री डा. एस. जयशंकरको मैत्रीपूर्ण निमन्त्रणामा मन्त्री खनाल शुक्रबार नयाँदिल्ली प्रस्थान गरेका थिए। भ्रमणका क्रममा उनले शनिबार आफ्ना भारतीय समकक्षीसँग प्रतिनिधिमण्डलस्तरीय द्विपक्षीय वार्ता गरेका थिए।
वार्तामा नेपाल–भारत सम्बन्धका विभिन्न आयामबारे छलफल भएको थियो। विशेषगरी विकास सहकार्य, व्यापार तथा पारवहन, ऊर्जा क्षेत्रको सहकार्य, सम्पर्क सञ्जाल विस्तार र दुई देशबीचको जनस्तरको सम्बन्धलाई थप सुदृढ बनाउने विषयमा विचार आदानप्रदान भएको जनाइएको छ।
भारत भ्रमणका क्रममा मन्त्री खनालले भारतका राष्ट्रिय सुरक्षा सल्लाहकार अजित डोभालसँग पनि भेटवार्ता गरेका थिए। त्यस्तै, भारतीय जनता पार्टी (भाजपा)का विदेश विभाग प्रमुख डा. विजय चौथाइवालेसँग समेत उनले छुट्टाछुट्टै भेट गरी आपसी हित र द्विपक्षीय सम्बन्धका विषयमा छलफल गरेका थिए।
परराष्ट्रमन्त्री खनालको भ्रमणलाई नेपाल–भारत सम्बन्धलाई थप मजबुत बनाउने अवसरका रूपमा हेरिएको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.