☰

लोकप्रिय समाचार

गुल्मीमा जीप दुर्घटना, ६ जनाको मृत्यु

  •   सोमबार, कार्तिक ०९, २०८३ मा प्रकाशित

तम्घास(गुल्मी), कात्तिक ९ गते । गुल्मीमा जीप दुर्घटना हुँदा पाँच जनाको घटनास्थलमै मृत्यु भएको छ ।

कालीगण्डकी गाउँपालिकाका अध्यक्ष वेदबहादुर थापाका अनुसार जिल्लाको कालीगण्डकी गाउँपालिका वडा नम्वर २, दमौखानीमा बी एए ०२२० नम्बरको जीप दुर्घटना हुँदा पाँच जनाको घटनास्थलमै मृत्यु भएको र एक जनाको उपचारका लागि लैजाँदै बाटोमै मृत्यु भएको हो  ।

थापाका अनुसार हिलेसिद्धबाट दर्शन गरी फर्किँदै गरेको अवस्थामा जीप दुर्घटना भएको हो ।

जिल्ला प्रहरी कार्यालय, गुल्मीका प्रहरी नायब उपरीक्षक वीरेन्द्र विश्वकर्माका अनुसार घटनास्थलमा प्रहरी चौकी, पूर्तिघाटको टोली जाँदै गरेको र घटनाको बारेमा  विस्तृत विवरण आउन बाँकी रहेको छ ।

सोमबार, कार्तिक ०९, २०८३ मा प्रकाशित
तपाईको प्रतिक्रिया

लोकप्रिय

भर्खरै