काठमाडौं । साबिक विजेता लुम्बिनी लायन्सले नेपाल प्रिमियर लिग (एनपीएल) को तेस्रो संस्करणमा विजयी सुरुआत गरेको छ। सोमबार सम्पन्न खेलमा लुम्बिनीले साबिक उपविजेता सुदूरपश्चिम रोयल्सलाई ७ विकेटले पराजित गरेको हो।
सुदूरपश्चिमले दिएको ८८ रनको लक्ष्य लुम्बिनीले ९.५ ओभरमा ३ विकेट गुमाएर पूरा गर्यो। जितसँगै लुम्बिनीले प्रतियोगितामा २ अंक जोडेको छ।
लुम्बिनीको जितमा डी आर्सी सर्टले सर्वाधिक ४० रन बनाए। उनले १८ बलमा ४ चौका र ३ छक्का प्रहार गरे। त्यस्तै, आशिफ शेखले २५ बलमा २ चौका र २ छक्कासहित ३२ रनको योगदान दिए।
बलिङतर्फ सुदूरपश्चिमका अनिल खरेलले २ विकेट लिए भने कप्तान दीपेन्द्रसिंह ऐरीले १ विकेट हात पारे।
त्यसअघि कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको सुदूरपश्चिम १७.२ ओभरमा ८७ रनमा अलआउट भएको थियो। सुदूरपश्चिमका कप्तान दीपेन्द्रसिंह ऐरीले सर्वाधिक २७ रन बनाए। उनले १६ बलमा २ चौका प्रहार गरे। सैफ जैबले १३ रन बनाउँदा अन्य ब्याटरले दोहोरो अंकमा रन जोड्न सकेनन्।
लुम्बिनीका किशोर महतोले उत्कृष्ट बलिङ गर्दै ४ विकेट लिए। उनले ४ ओभरमा २८ रन खर्चिए। शेर मल्लले ३ विकेट लिँदा शाड्ली भान शाल्कविक, रोहितकुमार पौडेल र तिलक भण्डारीले समान १ विकेट लिए।
यस जितसँगै लुम्बिनीले तेस्रो संस्करणको एनपीएलमा आफ्नो उपाधि रक्षा अभियान सुखद रूपमा सुरु गरेको छ।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.