आरजुको क्षेत्रमा पन्त उम्मेदवार !

नमस्ते चितवन

आइतबार, असोज ०९, २०७९ मा प्रकाशित

असोज ९ , कैलाली । अघिल्लो पटक ४ हजार ८८० मतले नेकपा एमालेका उम्मेदवार नारदुमनी रानासँग पराजित भएकी प्रधानमन्त्री तथा कांग्रेस सभापति शेरबहादुर देउवा पत्नी आरजु राणा देउवाले मैदान खाली गरेपछि रिक्त रहेको कैलाली ५ मा करिब उम्मेदवारको टुंगो लागेको छ । रानासँग पराजित भएकी राणा यस पटक पनि कैलाली ५ बाट उम्मेदवार बन्ने चर्चा थियो ।

उनको एकल नाम समेत पठाइएको थियो तर । आरजुले समानुपातिक रोजेपछि अन्य उम्मेदवारको खोजि भइरहेको थियो ।

कांग्रेस स्रोतका अनुसार आरजुको क्षेत्रका डिल्ली राज पन्त उम्मेदवार बन्ने सम्भावना बढेको छ । पन्त प्रदेश सभा सदस्य हुन् । अघिल्लो पटक बाम गठबन्धनका तर्फ बाट उम्मेदवार बनेका रमेश धामीलाई हराएर प्रदेश सभा सदस्य बनेका पन्तलाई नै यस पटक प्रतिनिधि सभामा लडाउने बिषयमा छलफल भइरहेको बालुवाटार स्रोतले जनाकारी दिएको छ ।

‘भाउजू (आरजु) ले समानुपातिक रोजेपछि धेरैले आकांक्षा राखेका थिए । तर, बालुवाटारले भने डिल्लीराज पन्तलाई टिकट दिने सम्भावना बढेको छ’ कांग्रेसका एक नेताले भने ‘अहिले सम्म करिब त्यहि कुरा पक्का हो ।’

प्रतिनिधि सभामा पन्तसँगै नरनारायण शाह मनु,क्षितिज भण्डारी, कृष्ण महरा लगायत उम्मेदवार बन्ने चर्चा थियो । धेरैले कैलाली ४ मा डोटीबाट वीर बहादुर बलायर लड्ने भएपछि कैलाली ४ बाट सुनिल भण्डारी पनि ५ मा आउने आकलन गरेका थिए । तर, यस पटक भने पन्तले नै टिकट पाउने करिब निश्चित भइसकेको जनाइएको छ ।