भाद्र २४, काठमाडौं । प्रधानमन्त्री पुष्पकमल दाहाल ‘प्रचण्ड’ले आफ्नो चीन भ्रमणका क्रममा चीनसँग बिआरआई अन्तर्गतका परियोजनाहरु अनुदानमा उपलब्ध गराउने विषयमा छलफल हुने बताउनुभएको छ ।

नेपाल टेलिभिजनको कार्यक्रम ‘राष्ट्र निर्माण’सँगको विशेष संवादमा प्रधानमन्त्री प्रचण्डले चीनसँगका यसअघिका सम्झौता र नयाँ आयोजनाहरुको विषयमा पनि सहमति हुने बताउनुभयो ।

आफू दोस्रो पटक प्रधानमन्त्री हुँदा चीनसँग बिआरआईमा नेपालको तर्फबाट हस्ताक्षर गरेको स्मरण गर्दै उहाँले ती परियोजनाहरु आफूले ऋणमा नभई अनुदानमा उपलब्ध गराउन चीन सरकारलाई अनुरोध गर्ने बताउनुभयो । आसन्न अमेरिका र चीन भ्रमण नेपाल राष्ट्रको हितमा महत्वपूर्ण उपलब्धि हुने प्रधानमन्त्री प्रचण्डको भनाइ छ ।

आफू प्रधानमन्त्री भएदेखि नै सुशासन, सामाजिक न्याय र आर्थिक समृद्धिका लागि अभियान नै थालेको भन्दै प्रधानमन्त्री प्रचण्डले यी तीनवटा मुद्धामा आफू दृढतापूर्वक अघि बढेको बताउनु भयो ।

सबैखाले व्यथिति, विसंगति र भ्रष्टाचार विरुद्धको अभियानमा सरकार निर्मम ढंगले अघि बढेको बताउँदै उहाँले राष्ट्र निर्माणको पवित्र भावना र उद्देश्यका साथ अभियान थालनी गरिएको जानकारी दिनुभयो ।

संयुक्त राष्ट्र संघको महासभालाई सम्बोधन गर्न अमेरिका जाने तयारीमा रहनुभएका प्रधानमन्त्री प्रचण्ड अमेरिकाबाटै चीनको औपचारिक भ्रमणमा जाने कार्यतालिका रहेको छ ।

आइतबार, भदौ २४, २०८० मा प्रकाशित

तपाईको प्रतिक्रिया

सम्बन्धित समाचार

‘पाँच पाण्डव’को गीत ‘दाजुभाइ जस्ता हुँदैनन् अरू’ सार्वजनिक, कात्तिक २० देखि प्रदर्शनमा आउने

‘ऊनको स्वीटर’को सिक्वेल ‘कलेजी’को छायाङ्कन सुरु, पहिलो दिन पीयूष र एलेक्सका दृश्य खिचिए

कमलसिंह ऐरी चम्किँदा चितवन राइनोजको विजयी सुरुआत, विराटनगर ८ रनले पराजित

चितवनको कुरिनटारमा तीन सवारीसाधन एकआपसमा ठोक्किए, १० जना घाइते

गौतमबुद्ध क्रिकेट रङ्गशालाको काम सुस्त

विपना थापा र वर्षा राउतको अभिनय रहने फिल्म ‘बाकस’को छायांकन सुरु