भाद्र २४, मकवानपुर । नेकपा माओवादी केन्द्रका अध्यक्ष एवम् प्रधानमन्त्री पुष्पकमल दाहाल “प्रचण्ड” ले आफु जति समयसम्म प्रधानमन्त्री हुने हो त्यतिन्जेलसम्म राम्रो काम गरेर देखाउने बताउनु भएको छ । बागमती प्रदेशको राजधानी हेटौँडामा आइतबार चार दल सम्मिलित समाजवादी मोर्चाको सन्देश सभालाई सम्बोधन गर्नु हुँदै उहाँले यस्तो बताउनु भएको हो ।

प्रधानमन्त्री प्रचण्डले भन्नुभयो–‘कति समय सम्म प्रधानमन्त्री हुन्छु भन्ने छैन । तै पनि जति समय बस्छु राम्रो काम गरेर देखाउँछु ।’ उहाँले भ्रष्टाचारका विरुद्ध र सुशासनका पक्षमा अभियान चलाइएको र यो अभियानलाई निरन्तर रुपमा अगाडी बढाइने बताउनुभयो । यो अभियान केही व्यक्तिलाई मन नपरेको बताउँदै उहाँले भन्नुभयो– ‘यो अभियान कुशासन विरुद्ध हो, यो निरन्तर अगाडी बढ्छ ।’

उहाँले प्रधानमन्त्रीका विरुद्धमा खाली सर्वोच्चमा मुद्दा हालिरहने चलन बढेको समेत बताउनुभयो । अहिले पनि प्राप्त उपलब्धी र परिवर्तनलाई उल्टाउने चेष्टा गरिएको भन्दै उहाँले सबैखाले परिवर्तनको रक्षाका लागि अहिलेको मोर्चा बनेको बताउनुभयो । यो मोर्चा चार वटा पार्टीको मात्र नभएर देशका जनताको परिवर्तनको मोर्चा रहेको उहाँको भनाई थियो ।

उहाँले कम्युनिष्ट पार्टीहरू विभाजित हुन्छन् भन्ने सन्देश विरुद्ध कम्युनिष्ट पार्टीहरू पनि जुट्छन् भन्ने देखाउन पनि मोर्चाबन्दी गरिएको बताउनुभयो । उहाँले जलवायु परिवर्तनले दक्षिण एशियामा धेरै प्रभाव पारेको, संयुक्त राष्ट्र सङ्घको बैठकमा नेपालको गरिबी, जलवायुले पारेको प्रभावका सम्बन्धमा कुरा उठाउने बताउनुभयो ।

आइतबार, भदौ २४, २०८० मा प्रकाशित

तपाईको प्रतिक्रिया

सम्बन्धित समाचार

‘पाँच पाण्डव’को गीत ‘दाजुभाइ जस्ता हुँदैनन् अरू’ सार्वजनिक, कात्तिक २० देखि प्रदर्शनमा आउने

‘ऊनको स्वीटर’को सिक्वेल ‘कलेजी’को छायाङ्कन सुरु, पहिलो दिन पीयूष र एलेक्सका दृश्य खिचिए

कमलसिंह ऐरी चम्किँदा चितवन राइनोजको विजयी सुरुआत, विराटनगर ८ रनले पराजित

चितवनको कुरिनटारमा तीन सवारीसाधन एकआपसमा ठोक्किए, १० जना घाइते

गौतमबुद्ध क्रिकेट रङ्गशालाको काम सुस्त

विपना थापा र वर्षा राउतको अभिनय रहने फिल्म ‘बाकस’को छायांकन सुरु