संविधान संशोधन गर्ने षड्यन्त्र भए सशक्त प्रतिरोध गरिन्छ : सचिव पाण्डे

नमस्ते चितवन

मङ्गलबार, साउन ०१, २०८१ मा प्रकाशित

माओवादी केन्द्रका सचिव एवं संसदीय दलको प्रमुख सचेतक हितराज पाण्डेले सरकारबाट जनताको अधिकार कटौती गर्ने षड्यन्त्र भए सशक्त प्रतिरोध गर्ने चेतावनी दिनु भएको छ ।

कांग्रेस र एमालेबिच भएको सहमति सार्वजनिक नहुनुले गम्भीर प्रश्न उठेकाले प्रतिगमनविरुद्ध प्रतिरोध गर्ने चेतावनी दिनुभयो । उहाँले ‘माओवादी सरकारमा हुँदा खासगरी सुशासनको पक्षमा जुन किसिमका काम भएका छन् । ती विषयवस्तु निरन्तर अगाडि बढाउनका लागि संसदमा प्रस्तुत हुन्छौँ ।

त्यसका साथसाथै सामाजिक न्याय समृद्धिका विषय अगाडि बढाउनका लागि दबाब दिन्छौँ’, ‘जनताको अधिकार कटौती गर्ने षड्यन्त्रविरुद्ध सशक्त ढंगले जनताको आवाज उठाउँछौँ । सात बुँदे सहमति भनेका छन्, अहिलेसम्म सार्वजनिक गरेका छैनन् । यो नै अपारदर्शी कुरा हो । ढाँटछल कुरा भयो । सहमति लुकाएर उनीहरुले अनैतिक काम गरेका छन् । त्यसविरुद्ध सशक्त प्रतिरोध गरिन्छ ।’