काठमाडौं ,कार्तिक १९
लक्ष्मीपूजाको दिन रिलिजमा आएको फिल्म ‘पूर्ण बहादुरको सारंगी’ नेपाली बक्सअफिसमा उत्कृष्ट व्यापार गरेको छ । चलचित्र प्रति दर्शकबाट पाएको उत्कृष्ट प्रतिक्रियाले फिल्मले हाउसफुलको व्यापार गरेको छ । चलचित्र रिलिज भएको पहिलो दिनमा कम सोज पाए पनि आज सोमबार सम्म आउदा बलिवुडको फिल्मलाई समेत पछि पारेको छ ।
पहिलो दिन बिहीबारको अकुपेन्सी कम देखिए पनि शुक्रबारदेखिका शोमा अकुपेन्सी बढेको छ। शनिबार धेरै हलमा फिल्मले हाउसफुल व्यापार गरेको थियो। आइतबार भाइटीकाको दिन मध्यान्हदेखि बेलुकासम्मका शो सबै हाउसफुल छन्। आज फिल्मका देशभरिका सबै शो हाउसफुल छन्।’
दर्शकहरूले फिल्मलाई आफ्नो जीवनसँग निकट रहेको र हेरिरहँदा भावुक बनाएको प्रतिक्रिया दिएका छन्। फिल्मको कथा, संवाद, अभिनय, गीतसंगीत लगायतका पक्षले मन छोएको दर्शक प्रतिक्रिया छ। फिल्मको ‘वर्ड अफ माउथ’ बलियो देखिएको छ।विजय बराल र प्रकाश सपुत अभिनीत यो फिल्मलाई दर्शकले सुखद् प्रतिक्रिया दिइरहेका छन्।
सरोज पौडेलको लेखन तथा निर्देशन रहेको ‘पूर्ण बहादुरको सारंगी’ गन्धर्व समुदायको कथामा बनेको फिल्म हो। यसले बाबुछोराको सम्बन्ध, छोराको सफलताका लागि बाबुले गरेको संघर्षको कथा भन्छ।
फिल्ममा विजय र प्रकाशका साथमा अञ्जना बराइली, मुकुन भुसाल, बुद्धि तामाङ, अलिशा बास्तोला, देशभक्त खनाल, भोलाराज सापकोटा, विनोद न्यौपाने, माओत्से गुरूङ, जान्वी पौडेल, स्वयंम केसी लगायत कलाकारहरूको अभिनय छ।बिनोद पौडेल र प्याट्रिक सुवेदी फिल्मका निर्माता हुन्।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.