फिल्ममा धुर्मुससँगै अर्जुन घिमिरे, सागर लम्साल, हरिष निरौला, प्रियाना आचार्य, विजय बराल, महेश त्रिपाठी, अर्पण थापा, रेणु योगी, विजय लामा, मुकुन्द श्रेष्ठ, माला लिम्बूलगायत कलाकारको अभिनय छ ।

‘लाज शरणम्’ पनि ४ करोडको बजेटमा तयार भएको फिल्म हो । नवीन श्रेष्ठ निर्माता, राम नरेश शाह र सृजना खड्का सह–निर्माता रहेको फिल्ममा लगानी गरेको छन् ।

‘फेरि रेशम फिलिली’

आज बाट प्रदर्शनमा आएको अर्को फिल्म ‘फेरि रेशम फिलिली’ युवाहरूको अमेरिका मोहको विषयमा निर्माण भएको फिल्म हो । ‘ग्रीन कार्ड’को विषयवस्तु समेत उठाइएको बताइने फिल्म २०७२ मा रिलिज ‘रेशम फिलिली’को सिक्वेल हो ।

फिल्ममा विनय श्रेष्ठ, सुपुष्पा भट्ट, नीर शाह, कामेश्वर चौरसिया, प्रकाश घिमिरे, शिशिर वाङ्गदेल, रवीन्द्र झा, लक्ष्मी गिरी, महेश त्रिपाठी, एवनराज उप्रेती, मेक्सम गौडेल, प्रकाश घिमिरे, सजन थापालगायतको अभिनय छ ।

फिल्म ‘फेरि रेशम फिलिली’ ४ करोड बजेटमा निर्माण भएको निर्माता रौनक विक्रम कंडेल बताउँछन् । फिल्मको कार्यकारी निर्माता सुरज विक्रम ठकुरी र सह–निर्माता एनी थापा हुन् ।

‘मायावी’

यस्तै, ‘मायावी’ प्रेमकथामा बनेको हो । युवापुस्तामा मौलाएको प्रेमकथा फिल्ममा देख्न सकिने बताइन्छ । फिल्ममा पल शाह, दीपिका प्रसाइँ, सुशिल सिटौला, करिश्मा श्रेष्ठ, समीम खान, राजाराम पौडेल, प्रशान्त ताम्राकार, लक्ष्मी गिरी, अंशु महर्जन, रवि डंगोल, रमा प्रसाईँ, दीपेन्द्र सिंखडा, संगीता सिलवाल लगायतको अभिनय छ ।

पछिल्लो समय निर्माताहरू फिल्ममा खुलेर लगानी गर्न थालेका छन् । बुधबार रिलिज हुने तीन फिल्म २ करोडदेखि ४ करोडसम्म बजेटमा निर्माण भएका छन् ।

फिल्म ‘मायावी’ २ करोडमा तयार भएको छ । ध्रुव न्यौपाने, राज कटुवाल र चन्द्र पन्त निर्माता, प्रविण भट्टराई र करण सिंह कार्यकारी निर्माता रहेको फिल्ममा मञ्जु भण्डारी, राजु पराजुली र सुमित ओलीको सह–निर्माण छ ।