केदार घिमिरे र वर्षा शिवाकोटी अभिनित फिल्म ‘माग्ने राजा’ को शुभ मुर्हतसगै सुटिङ सुरु

नमस्ते चितवन

बुधबार, फागुन १४, २०८१ मा प्रकाशित

काठमाडौं , फागुन १४
महाशिवरात्रिको अवसर पारेर केदार घिमिरे ‘माग्ने बुढा’को मुख्य भूमिका रहेको फिल्म ‘माग्ने राजा’ को आज बुधबार शुभ मुर्हत सगै सुटिङ सुरु गरिएको छ। लेखक सामिप्यराज तिमल्सिनाले माग्ने राजाको सूर्य विनायकमा पूजा गरी आजैबाट काभ्रेको बल्थलीबाट सुटिङ सुरु भएको जानकारी दिएका छन ।

केदारसहित फिल्ममा वर्षा शिवाकोटी, शारदा गिरी, विल्सनविक्रम राई, शिशिर वाङदेल, मिस पबी, पुष्कर गुरुङको मुख्य अभिनय रहनेछ।एउटा गरिबको धनि बन्ने महत्वकांक्षा लाई समेटेर लेखिएको कथामा आधारिक फिल्मको निर्देशन ऋषि लामिछानेले गरेका छन्।

आरम्भ प्रडक्सनको प्रस्तुतिमा मुनाल घिमिरेले निर्माण गरिरहेको फिल्ममा नरेन्द्र मैनालीको छायांकन र सामीप्यराज तिमल्सेनाको पटकथा छ।दाङ जिल्लाको घोराही उप-महानगरपालिका-४ को वडा अध्यक्ष समेत रहेका घिमिरेले यसअघि ‘खबरदार’ र ‘इच्छा’ फिल्मको निर्देशन गरेका थिए ।यो फिल्म आगामी वर्षको तीजमा रिलिज हुनेछ।