विल्सन विक्रम राईको चलचित्र ‘मैझारो’ मा धीरज मगर अनुबन्ध

नमस्ते चितवन

सोमबार, असार २३, २०८२ मा प्रकाशित

काठमाडौं ,आषाढ २३
बहुप्रतिभाशाली कलाकार विल्सन विक्रम राईको लेखन तथा निर्देशन रहने चलचित्र ‘मैझारो’ मा मुख्य कलाकारको रुपमा धीरज मगर अनुबन्ध भएका छन् । राईको डेब्यु निर्देशन रहने चलचित्र ‘मैझारो’ तक्मे प्रोडक्सनको ब्यानरमा निर्माण हुदैछ ।

बाल्यकालमा नै अभिनेता राजेश हमालको चलचित्र ‘साथी’मा अभिनय गरेका थिए। त्यस यता दर्जनौ फिल्ममा अभिनय गरेर दर्शकको मन जितिसकेका उनले ‘मैझारो’मार्फत निर्देशनमा पनि हात हालेका हुन्। यस चलचित्रमा अनमोल गुरुङ र तोरेम्पा हाङ राईको संगीत रहनेछ भने सौरभ लामाले छायांकन गर्नेछन्। निर्माण टिमका अनुसार अन्य कलाकारहरूको नाम चाँडै सार्वजनिक गरिनेछ।

चलचित्र साउनको पहिलो हप्ताबाट छायांकन हुने छ।चलचित्रको छायांकन ईलाम र पाँचथरका रमणीय स्थानहरूमा हुनेछ । चलचित्रमा सामाजिक कथावस्तुमा आधारित ‘मैझारो’ पूर्वी पहाडको जीवनशैली, संस्कृति र सामाजिक यथार्थका निर्माण हुनेछ।

तक्मे प्रोडक्सनले यसअघि निर्माण गरेका हास्य सामग्री र सांगीतिक प्रस्तुतिहरू लोकप्रिय रहेका छन्। यही पृष्ठभूमिमा निर्माण हुन लागेको ‘मैझारो’प्रति दर्शक र फिल्मकर्मीहरूमा उत्साह देखिएको छ। उनी लोकप्रिय हास्य टेलिफिल्म ‘मेरी बास्सै’ मार्फत ‘तक्मे बुढा’ नामले चर्चामा आएका थिए। अभिनयका साथै उनी गायक र संगीतकार पनि हुन्।उनि अभिनित चलचित्र ‘यो मन त मेरो नेपाली हो’ यहि असार २७ गते बाट प्रदर्शनको तयारीमा रहेको छ ।