काठमाडौं, मंसिर १७
दिब्यासी फिल्म्सको ब्यानरमा निर्माण भएको नेपाली फिल्म ‘परिवर्तन’ को दोस्रो पोस्टर सार्वजनिक गरिएको छ। निर्माण टिमले बुधबार सार्वजनिक गरेको पोस्टरमा सातै मुख्य कलाकारलाई आफ्ना क्यारेक्टर लुक्ससहित प्रस्तुत गरिएको छ।
पोस्टरमा अभिनेता सुशील श्रेष्ठलाई पूर्ण एक्सन अवतारमा देखाइएको छ। घाइते अवस्थामै पनि उनी लडाइँको मैदानमा दुश्मनमाथि बन्दुक तानेर उभिँदै देखिन्छन्, जसले उनको पात्र परिवर्तनका लागि सर्वस्व दिन तयार रहेको संकेत गर्छ।
फिल्ममा अञ्जना बराईली प्रहरी इन्स्पेक्टरको भूमिकामा देखिएकी छन्। उनको कडा नजरले अपराध अनुसन्धानमा जिम्मेवारी, कठोरता र न्यायप्रतिको प्रतिवद्धता झल्काउँछ।त्यसैगरी सरोज खनाल, करिश्मा मानन्धर, बुद्धि तामाङ, हेमन्त बुढाथोकी र सुवास मेचेलाई पनि क्यारेक्टर लुक्समै पोस्टरमा प्रस्तुत गरिएको छ।
पोस्टरले अञ्जना बराईलीलाई दर्शकले यसअघि नदेखेको फरक र दमदार अवतारमा पाउने संकेत दिएको निर्माण पक्षको दाबी छ। एक्सन–सस्पेन्स जनरामा बनेको यस फिल्मको वास्तविक कथा भने टिजर, ट्रेलर वा फिल्म हेरेपछि मात्र खुल्ने बताइएको छ।
विजय केरुङ निर्देशित ‘परिवर्तन’मा सुशील श्रेष्ठ, अञ्जना बराइली, सरोज खनाल, करिश्मा मानन्धर, हेमन्त बुढाथोकी, सुवास मेचे र बुद्धि तामाङ प्रमुख भूमिकामा छन्।फिल्मको कथा तथा निर्माण दीपक सिवाकोटीको हो भने पटकथा–संवाद शिवम् अधिकारीले लेखेका हुन्।
फिल्मका डिओपी शिव ढकाल, सम्पादक बन्दे प्रसाद, कोरियोग्राफर रामजी लामिछाने, संगीत एसडी योगी र द्वन्द्व निर्देशन श्री श्रेष्ठले गरेका छन्। निर्माण अनुसार ट्रेलर पनि बन्दे प्रसादकै सम्पादनमा तयार हुँदैछ।
फिल्म माघ ९ गते (January 23) बाट देशभर प्रदर्शनमा आउनेछ। यसको डिजिटल साझेदार ओएसआर र वितरण आर.आर. फिल्म्सले गर्नेछन्।
सम्बन्धित समाचार
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.