कांग्रेसद्वारा गगन–विश्वप्रकाशसहित नेताहरू ५ वर्षका लागि निष्कासन

नमस्ते चितवन

बुधबार, पुष ३०, २०८२ मा प्रकाशित

काठमाडौं । नेपाली कांग्रेसले पार्टीका महामन्त्रीद्वय गगनकुमार थापा र विश्वप्रकाश शर्मा, सहमहामन्त्री फरमुल्लाह मन्सुरलगायत नेताहरूलाई ५ वर्षका लागि पार्टीबाट निष्कासन गरेको छ ।

पार्टी केन्द्रीय कार्यालय सानेपामा बसेको केन्द्रीय कार्यसमितिको बैठकले उनीहरूमाथि कारबाही गर्ने निर्णय गरेको हो । बैठकले पार्टी निर्णयविपरीत गतिविधि गरेको ठहर गर्दै विशेष महाधिवेशनको पक्षमा लागेका नेताहरूलाई आ–आफ्नो भूमिकामा फर्किन निर्देशनसमेत दिएको छ ।

पार्टी नेतृत्वको निर्णयविपरीत विशेष महाधिवेशन आह्वान गरेको आरोपमा उनीहरूमाथि कारबाही गरिएको बताइएको छ । पार्टीको कुल ५४ प्रतिशत महाधिवेशन प्रतिनिधिले विशेष महाधिवेशनको माग गरेको दाबी गर्दै महामन्त्रीद्वय थापा र शर्माले विशेष महाधिवेशनको आह्वान गरेका थिए ।

यस विषयलाई लिएर पार्टीभित्र मतभेद चुलिँदै गएको छ भने कांग्रेसको आन्तरिक राजनीति थप तनावग्रस्त बनेको देखिन्छ ।