नाउपाका संरक्षक रेशम चौधरीको उम्मेदवारी खारेज

काठमाडौं । नागरिक उन्मुक्ति पार्टी (नाउपा) नेपालका संरक्षक रेशम चौधरीको उम्मेदवारी खारेज भएको छ। चौधरीले कैलाली निर्वाचन क्षेत्र नम्बर–१ बाट प्रतिनिधिसभा सदस्यका लागि उम्मेदवारी दर्ता गराएका थिए।

निर्वाचन अधिकृतको कार्यालयले मंगलबार चौधरीको उम्मेदवारी बदर गर्ने निर्णय गरेको हो। चौधरीको उम्मेदवारीविरुद्ध उजुरी परेपछि कानुनी प्रावधानका आधारमा निर्णय गरिएको निर्वाचन अधिकृतको कार्यालयले जनाएको छ।

टीकापुर घटनामा दोषी ठहर भई जन्मकैदको सजाय पाएका चौधरीलाई पछि राष्ट्रपतिबाट आममाफी दिइएको थियो। तर उक्त कानुनी पृष्ठभूमिलाई आधार मानेर उनको उम्मेदवारी वैध नहुने ठहर गरिएको हो।

चौधरीको उम्मेदवारी खारेज भएपछि कैलाली–१ को चुनावी समीकरणमा प्रभाव पर्ने राजनीतिक विश्लेषकहरूको भनाइ छ। यस विषयमा नाउपाले औपचारिक धारणा सार्वजनिक गर्न बाँकी रहेको छ।