काठमाडौं, चैत्र १४
पूर्व प्रधानमन्त्री केपी शर्मा ओली लाई प्रहरीले पक्राउ गरेको छ। शनिबार बिहान भक्तपुरको गुण्डुबाट उनलाई नियन्त्रणमा लिइएको प्रहरीले जनाएको छ। पक्राउसँगै उनलाई जरुरी पक्राउ पुर्जीसमेत थमाइएको छ।

नयाँ सरकार गठनपछि बसेको मन्त्रिपरिषद्को पहिलो बैठकले गौरीबहादुर कार्की नेतृत्वको जाँचबुझ आयोगको प्रतिवेदन कार्यान्वयन गर्ने निर्णय गरेको थियो। सोही निर्णयअनुसार प्रहरीले ओलीलाई नियन्त्रणमा लिएको हो।

जेनजी प्रदर्शनसम्बन्धी घटनाको छानबिन गर्न गठित आयोगले ओलीलाई फौजदारी मुद्दामा अनुसन्धान गर्न सिफारिस गरेको थियो। चैत २४ मा बुझाइएको प्रतिवेदनका आधारमा मन्त्रिपरिषद्ले तत्कालीन गृहमन्त्री रमेश लेखक सहित उनीमाथि कारबाही अघि बढाउने निर्णय गरेको थियो।

भदौ २३ र २४ मा नयाँ बानेश्वर क्षेत्रमा भएको जेनजी प्रदर्शनका क्रममा किशोरहरूमाथि गोली प्रहार भएको घटनामा आयोगले उनीहरूलाई जिम्मेवार ठहर गरेको छ। उक्त घटनामा ७६ जनाको मृत्यु भएको बताइएको छ।